31-iyul: Qutqaruvchilar bayrami va Garri Potterning tug‘ilgan kuni
31-iyulda NASA Marsda suv topganini ma’lum qildi, Britaniya televideniyasida tamaki reklamasini namoyish qilish, Kubada esa duellar taqiqlandi. 1928-yilning shu kunida “Metro Goldwyn Mayer” kino studiyasida barchaga taniqli bo‘lgan sherning bo‘kirishi eshitildi va butun dunyo Renjerlar kunini nishonlay boshladi. Bugun turli mamlakatlarda yana qanday muhim voqealar va bayramlar nishonlanishini bilish uchun 31-iyul taqvimiga qarang.
Xalqaro suv qutqaruvchilari kuni
Ushbu bayram ayniqsa yoz mavsumida X2 ga ko‘payadigan qutqaruvchi kasbining ahamiyatini yana bir bor eslatish uchun yaratilgan. Bu insonlar suvdagi fojialarning oldini olishga yordam beradi va suvda cho‘kib halok bo‘lish statistikasining oshmasligi uchun qo‘lidan kelgan barcha ishlarni qiladigan haqiqiy qahramonlardir.
Garri Potterning tug‘ilgan kuni
Bugun barcha zamonlarning eng kuchli sehrgari Voldemort kurashida tirik qolgan va butun dunyodagi bolalar tomonidan seviladigan o‘g‘il bolaning tug‘ilgan kuni. Garry Potter haqidagi kitoblar bestseller bo‘lib qolaveradi, bizni mo‘jizalarga ishonishimizga undab, franshizaning filmlari yil sayin tomosha qilinadi.
Sevimli kitoblarni xotirlash kuni
Agar sizda qachonlardir o‘qigan sevimli kitobingiz bo‘lsa, bugungi bayram sharafiga uni yana bir bor qayta o‘qib chiqishingizni tavsiya qilamiz. Agar hanuzgacha qanday kitob o‘qishni bilmayotgan bo‘lsangiz, har bir kishi o‘qishi kerak bo‘lgan kitoblar ro‘yxatimizga qarang, ehtimol ular orasida sizga sevimli bo‘lib qoladigan bir asar bo‘lishi mumkin.
Avokado kuni
Barcha sog‘lom turmush tarzi ishqibozlari, Instagram blogerlari va sog‘lig‘iga jiddiy e’tibor qaratadiganlarning sevimli mahsuloti. Bu esa shunchaki mahsulot emas, axir avokadoning organizm uchun ajoyib foydalari o‘ylab topilgan afsona emas. Undan muzqaymoq tayyorlash mumkinligini bilarmidingiz? Ammo birinchi navbatda, avokadoni to‘g‘ri tanlashni o‘rganishingiz kerak.
Ko‘ppak itlar kuni (aralash zotli itlar)
Ko‘changizda egasiz yurgan kuchuklarni yoki mahalliy pitomnikka borib, u yerdagi hayvonchalarni biror yegulik berib xursand qilish kuni desak mubolag‘a bo‘lmaydi.
31-iyulda kimlar tug‘ilgan
- J.K.Rouling. Ingliz yozuvchisi va “Garry Potter” eng sehrli bolalar kitoblarining muallifi.
- Lui De Fyunes. Fransuz aktyori, barcha zamonlarning eng buyuk komediyachilaridan biri va o‘sha “Saint-Tropedagi jandarma”.
- Edita Pyexa. Oldin ziyofatlarda qo‘shiqlari, masalan, uyimiz yoniga ko‘chib kelgan qo‘shni haqidagi qo‘shiqlarini eshitishingiz mumkin bo‘lgan sovet-rus qo‘shiqchisi.
