Hilol Nasimov rejissyorligidagi “Sevdo” filmining tizeri eʼlon qilindi
Rejissyor Hilol Nasimov tomonidan suratga olingan “Sevdo” badiiy filmining tizeri eʼlon qilindi. Bu haqda Kinematografiya agentligi axborot xizmati xabar berdi.
Qayd etilishicha, filmda Prokuratura xodimlarining soʻnggi yillardagi faoliyati ochib beriladi. Bundan tashqari, jamiyatda uchrab turadigan gʻarazli kimsalarning kirdikorlarini fosh qilish haqida soʻz boradi. Estrada olamiga yorqin yulduz kabi kirib kelgan goʻzal Sevdo tahdid va malomatlarga uchraydi.
“Sevdo” badiiy filmining tasvirga olish ishlari Rossiyaning Sankt-Peterburg hamda Turkiyaning Istanbul va Buyuk Ada shaharlarida boshlanib, Oʻzbekiston hududida ham boʻlib oʻtgan.
Filmda Aysanem Yusupova, Samidxon Lutfullayev, Nigora Karimboyeva, Mashxura Zulfiqorova, Mehriddin Rahmatov, Rustam Karimov, Bahshillo Fatullayev, Boir Holmirzayev, Fotih Nasimov, Odina Gʻoziyeva, Shohruh Hamdamov, Davron Karimov singari aktyor va aktrisalar rol ijro etgan.
