Iliq va bulutli ob-havo: O'zbekistonda hafta davomida kutilayotgan ob-havo va har bir kun uchun 7 ta obraz
Ish haftasi Toshkentda ertalabki qisqa muddatli yomg‘ir va quyosh nurlari bilan boshlanadi. Aynan shu kayfiyat butun hafta davomida hukm suradi: O‘zbekistonda iliq, ammo bulutli ob-havo kutilmoqda. Havoning iliqligidan xursandmiz va bahor-yoz mavsumiga rejalar tuzamiz. Shu bilan birga, Mashaning Zara brendidan tanlagan yangi obrazlariga ham nazar tashlaymiz.
O‘xshash mavzular
14.04.2025
Toshkentda 14–20 aprel kunlari ob-havo prognozi
14-aprel
Yuqorida aytib o‘tganimizdek, dushanba tongi qisqa muddatli yomg‘ir va +21 daraja bilan boshlanadi. Kunduzi havo +26 gacha isiydi va quyosh bulutlarni tarqatadi. Kechasi esa ochiq osmon va yoqimli +19 daraja kutilmoqda.
Mashada:
15-aprel
Bahor quyoshining nurlari tushgacha ko‘zni quvontiradi, havo harorati +26 atrofida bo‘ladi. Tushlikdan keyin esa havo bulutli bo‘ladi, lekin yog‘ingarchilik kutilmaydi. Kechasi +22, tunda esa +17 va namlik yuqori bo‘ladi.
Mashada:
16-aprel
Chorshanba – haftaning eng yoqimli kunlaridan biri: yog‘ingarchilik ham, kuchli quyosh ham yo‘q. Kunduzi ba’zan ochiladigan bulutli havo va +24 daraja, kechasi esa +19..+20 bo‘ladi. Do‘stlar bilan choy yoki qahva ustida uchrashish uchun ajoyib bahona!
Mashada:
17-aprel
Payshanba esa aksincha, eng issiq va ayni paytda eng bulutli kun bo‘ladi. Toshkent ko‘chalari +28 darajagacha qiziydi, havo dim va bulutli bo‘ladi. Kechasi +18 gacha soviydi. Tunda qisqa muddatli yomg‘ir yog‘ishi ehtimoli bor.
Mashada:
18-aprel
Juma kuni sovuq havo oqimi kirib keladi va iliqroq kiyimlarimizni kiyishimizga to‘g‘ri kelishi mumkin: sinoptiklar +21 darajani bashorat qilmoqda. Kechasi yana soviydi – +17, tunda esa +14 daraja. Iliqroq kiyinishni unutmang!
Mashada:
19-aprel
Shanba kuni ob-havo juma kuniga o‘xshash bo‘ladi: kunduzi +21, kechasi +17. Faqatgina bir farq – quyosh charaqlab turadi. Muhim va unchalik muhim bo‘lmagan ishlarni ertalabga rejalashtiramiz, kechani esa oila davrasida o‘tkazamiz.
Mashada:
20-aprel
Yakshanba tongini hattoki sinoptiklar aytgan +17 darajali yomg‘ir ham buzolmaydi. Ayniqsa, kunduzi quyosh chiqib, havo +20 darajagacha isiydi. Bu lahzani qo‘ldan boy bermaylik: nonushtani uyda bezatib, tushlikka esa Toshkentning eng yaxshi kafe yoki restoranlariga yo‘l olamiz.
Mashada:
O‘xshash mavzular
