Hamyonbop narxlarda eng yaxshi qahva mashinalari. To‘plamni o‘qing
Biz texnika va elektronika do‘koni bilan birgalikda iqtisodiy va o‘rta segmentga kiruvchi eng yaxshi kofemashinalar ro‘yxatini tayyorladik. Bu ro‘yxat nafaqat tejamkor kofesevarlar, balki masofadan ishlovchilarni ham xursand qiladi va hatto dushanba tonglarini sevib qolishga sababchi bo‘ladi.
Yangi yilga eng yaxshi sovg‘ani topdik. BU NIMA?
Ertalabki bir piyola tetiklantiruvchi qahva ko‘pchilik uchun nafaqat rasmiyat, balki ehtiyojdir. Shu sababli, har kuni yangi qahvaxonalar ochilib, o‘z egalariga kapuchino, latte yoki klassik amerikano orqali yaxshi daromad keltirmoqda. Qahvasevarlar bunga qarshi emas: yaxshi qahvani sevganlar $5 ni bir piyola achchiqqina qahvaga bemalol sarflashga tayyor (ayniqsa, agar siz frilanser bo‘lsangiz).
Ammo sizga uyda barista bo‘lish imkoniyatini beruvchi ajoyib vosita borligini aytsak-chi? Buning uchun sizga faqat bir narsa – kofemashina sotib olish kerak.
Eng ideal qahva bu – uyda tayyorlangan qahvadir.
Uyda qahva ichishning afzalliklari:
1. Shaxsiy retseptlaringizni yaratish: Siz o‘zingizga yoqadigan retseptni tanlash, qahva va sutning haroratini sozlash, va ideal ko‘pik hosil qilish imkoniga egasiz.
2. Qahva donlariga qadar didingizga mosini tanlash: Qahvaxonadagi odatiy lazzatlardan chekinib, eng noyob qahva donlarini tanlashingiz mumkin.
3. Tejamkorlik va vaqtni tejash: Kofemashina yordamida siz nafaqat vaqt, balki pulni ham tejaysiz. Bir marta sarmoya kiritib, siz yillar davomida sifatli qahvadan uydan chiqmagan holda bahramand bo‘lasiz.
Ishontira oldikmi? Unda eng hamyonbop De’Longhi kofemashinalar ro‘yxatiga nazar solamiz.
De’Longhi ECAM 220.21.BG: Ikkiyoqlama foyda
Ushbu model, qahvani sevuvchi, lekin katta mablag‘ sarflashga tayyor bo‘lmaganlar uchun mos keladi. Bir nechta ichimlik rejimlarini qo‘llab-quvvatlaydi – espresso, kapuchino va boshqa qahvaxonaga xos ichimliklar. Ichki kofetegirmoni (13 xil sozlash) va kapuchinatorga ega. Oddiy interfeys va ixcham dizayn bilan birgalikda bu model har qanday oshxonaga mos keladi.
De’Longhi ECAM 220.22.GB: Funksionallik va nafislik uyg‘unligi
Mazkur model hamyonbop narxda yuqori sifatli qahvadan bahramand bo‘lishni istaganlar uchun mukammal tanlovdir. Espresso, lungo va kapuchino kabi bir qancha ichimliklarni tayyorlash imkonini beradi. 13 xil maydalash darajasiga ega kofetegirmoni ichimlikning ideal aromati va ta’mini ta’minlaydi. Kapuchinatori esa sutni mahoratli barista kabi mayin ko‘pikli sutga aylantiradi. Ixcham va hashamatli ko‘rinishga ega ushbu model istalgan interyerli oshxonaga mos keladi. Unda xotirlash funksiyasi ham bor: endi ertalablari o‘zingiz sevib iste’mol qiladigan qahva retseptini eslab, yangitdan o‘rnatishingiz shart emas.
De’Longhi ECAM 220.30.SB: Italiya qahvasi ta’mini sevuvchilar uchun
Bu model o‘zining ixcham dizayni va shu bilan birga kuchli funksionalligi bilan ajralib turadi va barista qahvasiga teng keladigan ichimliklar tayyorlash imkonini beradi. Foydalanish uchun qulay interfeys va turli sozlamalar mavjud. Avtomatik tozalash tizimi esa uni parvarish qilishni osonlashtiradi. Bu esa nafaqat sifatli qahvadan bahramand bo‘lish, balki sizning qulayligingizni ham ta’minlaydi.
De’Longhi ECAM 220.31.SSB: Ertalabki marosimlar uchun
Ertalabdan ajoyib qahva iste’mol qilishni sevuvchilar uchun. Bu model qahva kuchi, harorati va hajmini moslashtirish imkoniyatini beradi. Stilistik dizayn va avtomatlashtirilgan funksiyalar bilan bu mashina mukammal qahva tayyorlashni istaganlar uchun ideal tanlov bo‘ladi.
De’Longhi ECAM 22.110.SB: ekologiyaga g‘amxo‘rlik va sizning istaklaringiz asosida
Ushbu kofemashina maydalanmagan qahva donalari va maydalangan qahva bilan ishlashi mumkin, bu esa sizga qulaylik va yangi ta’min o‘rtasida tanlov imkonini beradi. Qo‘lda boshqariladigan kapuchinator sut ko‘pigi tayyorlashda barista mahoratini namoyon etadi. Kuchi, harorati kabi sozlamalarni moslashtirish, ichimliklarni xotirada saqlash, avtomatik tozalash funksiyasi va energiyani tejash tizimi mavjud. Atrof-muhitga g‘amxo‘rlikni ham unutmaganlar. Bonus sifatida sutni ko‘pirtirish uchun maxsus qurilma qo‘shib beriladi.
De’Longhi ECAM 22.60.B: ilg‘or kofesevarlar uchun
Qo‘lda kapuchinatorli modeldan farqli ravishda, ushbu mashina avtomatik kapuchinator bilan jihozlangan. Ko‘piklikning zichligi, qalinligi va haroratini boshqarish juda oson – bu hatto yangi boshlovchilar uchun ham qulay. Shuningdek, qahva kuchliligi va hajmini ham sozlashingiz mumkin. Ikki kamerali isitish tizimi, avtomatik tozalash, energiya tejash rejimi va zamonaviy qora dizaynga ega. Minimalizm ixlosmandlari uchun juda mos keladigan model.
De’Longhi ECAM 320.60.B/W: “aqlli” va kuchli qahva sevuvchilar uchun
Ushbu model texnologiyalar va dizayn uyg‘unligining namunasi. Eng muhim xususiyatlardan biri – ikki barobar kuchli espresso tayyorlash funksiyasi. “LatteCrema” tizimi yordamida eng yumshoq va havo kabi yengil ko‘pik tayyorlash mumkin. Rangli ekran, qulay interfeys va shaxsiy sozlamalar (maydalash, kuchlilik, harorat va ichimlik hajmi) mavjud. Model qora va oq ranglarda taklif etiladi, oshxona dizayniga qarab tanlashingiz mumkin. Avtomatik tozalash tizimi odatiy funktsiya sifatida mavjud.
De’Longhi ECAM 320.61.G: yuqori standartlarni yaxshi ko‘ruvchilar uchun
Ushbu model yuqori sifatli ichimliklar uchun mo‘ljallangan va optimal narxni taklif qiladi. Avtomatik kapuchinator, ichimlikning kuchlilik va haroratini sozlash imkoniyati, zamonaviy metall dizayn, ikki kamerali isitish tizimi va oson parvarishlash kabi xususiyatlar mavjud. Narx va sifat uyg‘unligini izlayotganlar uchun ideal tanlov.
De’Longhi ECAM 320.70.TB: murosaga bormaydiganlar uchun
Kofeni sevuvchi, lekin sifatdan voz kechmaydiganlar uchun ideal tanlov. Sutli ichimliklar uchun avtomatik ko‘pirtirish, sozlamalarni boshqarish, shaxsiy profil yaratish funksiyasi, energiyani tejash va avtomatik tozalash rejimlari mavjud. Model qora va kulrang rangda ishlab chiqarilgan bo‘lib, minimalist uslubdagi oshxonalar uchun mos.
De’Longhi ECAM 380.85.TB: qulay narxdagi premium va mobil boshqaruv bilan
Bu qora-kulrangli zanglamas po‘latdan yasalgan model premium sinfiga kiradi, lekin qulay narxi bilan juda yoqimli tanlov bo‘ladi. “LatteCrema” tizimi orqali professional ko‘pik, shaxsiy sozlamalar va yuqori samaradorlik bilan ajralib turadi. Qiziqarli xususiyati – “De’Longhi Coffee Link” ilovasi yordamida qurilmani masofadan boshqarish imkoniyati mavjud.
De’Longhi ECAM 380.95.TB: flagman va haqiqiy gurmanlar uchun
Flagman model haqiqiy gurmanlar uchun ishlab chiqilgan. Ushbu modelning o‘ziga xos jihatlari: “LatteCrema” tizimining yangilangan funksiyasi, bir nechta foydalanuvchi profillarini yaratish imkoniyati (masalan, siz espresso sevasiz, turmush o‘rtog‘ingiz esa kapuchino), “Coffee Link” ilovasi orqali masofadan boshqarish va ilg‘or tozalash tizimi.
Agar siz kofeynya, uy yoki ofis uchun premium sinfdagi kofemashinalarni izlayotgan bo‘lsangiz, eng yaxshilari aynan shu yerda.
