Krishtianu Ronaldu muxlisiga million dollar yutib olishga yordam berdi
“An-Nassr” va Portugaliya terma jamoasi hujumchisi Krishtianu Ronaldu mashhur amerikalik bloger Mr. Beastʼning videolavhasida ishtirok etdi.
Yangi yilga eng yaxshi sovg‘ani topdik. BU NIMA?
Birinchi raqamli blogerning lavhasida 39 yoshli futbolchi tasodifiy muxlis bilan bellashdi. Ular darvozadagi moʻljallarga zarba berdi. Ushbu chellenjda futbolchi va “An-Nassr” klubining ashaddiy muxlisi Xalid gʻalaba qozondi.
Bu unga bir million dollar olib keldi. Video “An-Nassr”ning Saudiya Arabistonidagi uy stadionida suratga olingan. Chellenj davomida Ronaldu ham muxlisini qoʻllab turdi.
Ushbu video 1 kunda 60 milliondan ortiq koʻrildi va hozirda YouTube platformasi trendining birinchi oʻrnida bormoqda. Avvalroq Mr. Beast Ronalduning YouTube kanalidagi podkastda mehmon boʻlgandi.
