24.04.2025
“Manchester Siti” Abduqodir Husanovni ijaraga beradimi? Futbolchining o‘zi javob berdi
Muallif
Shohzamon Shuhratov
O‘zbekistonlik futbolchi, Angliyaning “Manchester Siti” klubi himoyachisi Abduqodir Husanov ijaraga berilishi haqida xabarlar tarqaldi.
Yevropaning ko‘plab sport nashrlari “shaharliklar” Husanov zaxirada mixlanib qolmasligi va rivojlanishi uchun unga yangi klub izlayotgani haqida to‘xtovsiz yozmoqda.
Futbol sharhlovchisi Davron Fayziyev bunday xabarlar fonida futbolchining yaqinlari bilan bog‘lanib, vaziyatga oydinlik kiritdi. Abduqodirga yaqin manbalar u hali ham “Siti” mashg‘ulotlarida qatnashayotganini aytdi.
Kecha, 23-aprel kuni tunda Instagram dagi sahifasiga jamoa mashg‘ulotlarida qatnashayotgani aks etgan suratlarni joyladi. Tarmoq foydalanuvchilari Husanov bu orqali ijaraga berilishi haqidagi xabarlarni rad etganini taxmin qilmoqda.
