Munisa Rizayeva tugʻish jarayoni aks etgan videoni eʼlon qildi
Taniqli xonanda Munisa Rizayeva 24-noyabr kuni ilk farzandini dunyoga keltirdi. U tugʻruq jarayonidan video eʼlon qildi.
Munisa Rizayeva ilk farzandini Argentinaning Buenos-Ayres shahridagi klinikalardan birida dunyoga keltirdi. Unga bu jarayonda eri Arseniy Moroz hamrohlik qilgan.
26-noyabr kuni eʼlon qilingan videoda xonanda tugʻruq kompleksiga kelgani va u yerda jarayonga tayyorlanganini koʻrish mumkin. Bunday muhim kunda dalda boʻlish uchun Munisaning onasi ham yetib kelgan.
“Hammaga salom doʻstlar. Mana hozir roddomga yetib keldik. Bugun qornimdagi jajji farzandimni dunyoga keltiramiz”, — deya taʼkidlagan qoʻshiqchi Instagramʼdagi sahifasida eʼlon qilingan videoda.
Tasvirlarda tayyorgarlik, tugʻruq va farzandning qoʻlga berilishi kabi jarayonlar aks etgan. Videoda Rizayeva oʻgʻlini quchoqlab turganini, onasi esa ularni suratga olayotganini koʻrish mumkin. Unga koʻplab sanʼatkorlar izoh yozgan.
“Xush kelding, oʻgʻlim. Necha yillik orzuim eding, jon farzandim. Bu olamda goʻzal hayot kechirishim uchun yana bir mazmun paydo boʻldi. Bizni duo qilgan barchaga rahmat”, — deb yozilgan video izohiga.
Maʼlumot oʻrnida, Munisa Rizayeva farzandini 24-noyabr kuni Buenos-Ayresdagi Sanatorio De Los Arcos klinikasida kesarcha-kesish usulida yordamida dunyoga keltirdi.
