O‘smirlar haqidagi 13 ta serial – Amerika dramalaridan koreys doramalarigacha
O‘smirlar seriyalari – nafaqat qiziqarli va ibratli, balki yoshlikni qumsash hissi: ilk muhabbat, maktabdagi do‘stlar, qiyinchiliklar va sinovlar, shuningdek, hamma narsada yangi tajriba kabi tuyg‘ularga boy dramalardir. O‘tmishga qaytish yoki ekrandagi tengdoshlaringizning hikoyalari bilan yashab ko‘rishning vaqti keldi: siz uchun o‘smirlar haqidagi seriallar ro‘yxatini tuzdik. Ular nafaqat zumerlar va milleniallar (2000-yillarning avlodi), balki o‘ta jiddiy yoshi kattalarga ham yoqishi aniq.
O‘smirlar haqidagi eng mashhur seriallar:
Eyforiya
O‘smirlar va katta yoshdagilar orasida hit bo‘lgan Zendaya ishtirokidagi “Eyforiya” seriali. Reabilitatsiyadan so‘ng uyiga qaytib, eski odatlari: giyohvand moddalar va kechki bazmlarini yana boshlagan Ru Bennettning hikoyasi. Ammo shaharga yangi qiz Juls kelganda hammasi o‘zgaradi, u Runing hayotini yaxshi tomonga o‘zgartiradi.
Elita
Ispan serialining syujeti kambag‘al oilalardan chiqqan uch o‘smir boylar o‘qiydigan nufuzli maktabga kirgan paytni ochib beradi. Badavlat va taltaygan bolalarga yangi kelganlar yoqmaydi va ular hokimiyat uchun shafqatsiz kurash boshlaydi. Bu “urush”da ular barcha vositalar – hatto qotillikdan ham foydalanadi.
Trailers
Serial Buyuk Britaniyaning yangi avlodi haqida. O‘smirlikka o‘tish davri, shaxs va xarakterning shakllanishi, taqdirning ilk qiyinchiliklari. Bularning barchasi jinsiy aloqa, giyohvand moddalar, cheksiz tungi bazmlar manzarasida ko‘rsatilgan. Bu bolalar odob qoidalari, ijtimoiy qonunlarga va axloqshunos ota-onalarning fikriga tupuradi. Ular mustaqil bo‘lishni va faqat o‘zlari xohlagan ishni qilishni xohlaydi.
Jinsiy tarbiya
Nafaqat o‘smirlar, balki kattalar ham serialdagi iqtiboslarni sevib, ulardan faol foydalanishga muvaffaq bo‘lgan mashhur Netflix seriali. Uyatchan va iffatli o‘smir bola Otis va uning jinsiy-terapevt onasi haqidagi hikoya birinchi daqiqalardanoq tomoshabinlarni zabt etadi. Filmdagi eng qiziq sahnalar yigit onasining izidan borishga qaror qilgan va do‘sti Mey bilan birgalikda sinfdoshlari uchun psixologik maslahatlashuvlar o‘tkaza boshlagan paytda boshlanadi.
13 ta sabab
Detektiv hikoya elementlari va juda dramatik syujetga ega bo‘lgan o‘smirlar seriali. Bir kuni maktab o‘quvchisi Kley Xanna Beyker tomonidan tayyorlangan audioyozuvlar bilan eshigida sirli qutini topadi. U Xannani sevib qolgan, ammo buni unga izhor qilishga ulgurmagan edi – qiz o‘z joniga qasd qildi. Xanna o‘z kasetlarida uni dahshatli o‘zini qasd qilishga undagan 13 ta sababni aytib o‘tgan. Kley ham bu sabablar ichida bor.
Yoqimtoy yolg‘onchilar
O‘smirlar haqidagi yana bir detektiv serialda eng yaqin do‘stlari Elisonning yo‘qolishidan so‘ng do‘stliklari tugagan to‘rt qiz haqida hikoya qilinadi. Qizning yo‘qolganidan bir yil o‘tgach, qizlar anonim “A”dan sirli xabarlarni olishni boshlaydilar, xabarda faqat Elison bilgan “sirlar” yozilgan bo‘lib, anonim qizlar haqida hamma narsani bilishi va ularni fosh qilishini tahdid qiladi. Buning ortida kim turibdi va aslida Elisonga nima bo‘lgan?
Chiqindilar
Kuchli bo‘ron o‘smir-jinoyatchilarning hayotini o‘zgartiradi. Jazo paytida ularni chaqmoq uradi, shundan so‘ng ularning har biri qandaydir superqudrat bilan uyg‘onadi. Omadsiz superqahramonlar endi nima qilish kerakliklari va o‘z kuchidan qanday foydalanishni tushunolmaydilar. Bundan tashqari, ana shu superqudrat ularning bolalikdagi iztiroblarini yuzaga keltiradigan va ularni ojiz qiladigan la’natdir.
G‘iybatchi qiz
Manhettendagi xususiy maktab o‘quvchilari haqidagi mashhur serial bo‘lib, u yerda ular o‘zlarining uzun tillari va sirli g‘iybatchi qizning elektron blogidan aziyat chekadi. Uning kimligini hech kim bilmaydi, ammo u tufayli maktab yangiliklari va elita uylarning yopiq eshiklari ortida nima bo‘layotganidan hamma xabardor. Hammaning diqqat markazida esa Serena va Bler qalin dugonalar, shuningdek, ularning do‘stlari Chak, Neyton va boshqalar turadi. Bu serialni Nyu-Yorkning go‘zal manzarasi, qahramonlarning zamonaviy ust-boshlari va “yangi hashamat”ning boshqa elementlari tufayli tomosha qilishga arziydi.
Jini va Jorjiya
Onangiz yoki opangiz bilan tomosha qilishga arziydigan Netflix’ning yana bir seriali. Axir unda “qiz-ona” munosabatlari, shuningdek, erta onalik mavzusi yoritiladi. Syujet yosh va go‘zal Jorjiya va uning o‘smir qizi Jinining hikoyasiga asoslangan. Ikkalasi ham hayotni boshqa shaharda noldan boshlashga umid qiladilar, ammo onasining o‘tmishi ularning kelajagiga tahdid soladi.
Vorislar
Bir guruh imtiyozli o‘smirlar, jamiyat “boyvachcha”larining farzandlari haqidagi koreys doramasi. Ularning har biri baxtli va boy kelajak oldindan ta’minlanganiga va bir kun kelib ular albatta oilaviy biznesni boshqarishlariga ishonch bilan o‘sishadi. Hammasi rejadagidek ketayotgan bir paytda, o‘smir rejalariga yer yuzidagi eng kuchli his-tuyg‘u – muhabbat xalaqit beradi.
Riverdeyl
Riverdeyldan kelgan bir guruh o‘smirlar haqida Amerika seriali. Zerikish va qiziqish tufayli qahramonlar kichik shahar tarixini o‘rganishga, uning sirlarini bilishga va qo‘shnilarning shkafidagi “skeletlar”ni olishga qaror qiladilar. Shkafda esa ularning hayratiga skeletlar juda va juda ko‘p bo‘ladi.
Juda g‘alati hodisalar
1980-yillarda, tinch Amerika qishloqlaridan biri. Uill ismli o‘smir bola yo‘qolgunga qadar har kuni bir xil o‘tar va hamma mutlaqo baxtli edi. Uning yo‘qolishini nafaqat bolaning qarindoshlari va sherif, balki uning eng yaqin do‘sti Mayk ham bilishga qaror qiladi. Maktab o‘quvchisi sinfdoshlari bilan birgalikda o‘z izlanishlarini boshlaydi, hatto yaqin orada O‘n bir ko‘rinishidagi “o‘zga sayyoralik qiz”ni uchratishlari va yovuz kuchlar bilan to‘qnash kelishlarini bilishmaydi ham.
Uning olami nihoyasi
17 yoshli o‘smir Jeyms psixopat ekanligiga ishonch bilan yashaydi. Uning tengdoshi bo‘lgan Alisa ham psixologik muammolardan aziyat chekadi, yetmagandek, maktabda uning “yangi” unvoni vaziyatni yanada og‘irlashtiradi. Qahramonlar o‘rtasida darhol o‘smirlar romantikasi paydo bo‘ladi va Alisa yigitni biologik otasini qidirishga ko‘ndiradi. Jeyms unga rozilik beradi, chunki unga Alisadan ham nimadir kerak.
