Yangi “O‘yinchoqlar tarixi 5” tizeri chiqdi
Pixar studiyasi mashhur “O‘yinchoqlar tarixi” franshizasining beshinchi qismiga oid yangi tizer-treylerni taqdim etdi. Kartinaning relizi 2026-yil 19-iyunga belgilangan bo‘lib, u animatsiya ixlosmandlari kutayotgan navbatdagi yirik loyiha sifatida baholanmoqda.
O‘xshash mavzular
11.11.2025
O‘xshash mavzular
11.11.2025
Yangi qismda kovboy Vudi, kosmonavt Bazz Layter va ularning sodiq do‘stlari bolalar uchun mo‘ljallangan qurbaqa shaklidagi aqlli planshetga qarshi turishadi. O‘yinchoqlar o‘z sohibasi qizaloq Bonni e’tiborini saqlab qolish uchun barcha imkoniyatlarini ishga solishga majbur bo‘lishadi, bu esa sarguzashtlarning yanada qiziqarli tus olishini ta’minlaydi.
Loyihada yana Tom Xenks, Tim Allen va Joan Kyusak kabi mashhur aktyorlar ishtirok etib, sevimli qahramonlarga ovoz berishgan. Kartinani “Nemoni izlab” filmi bilan tanilgan Endryu Stenton boshqargan. Yaratilish jarayonida franshizaga xos hissiyot, yumor va sadoqat mavzulari yanada chuqurlashtirilgan.
“O‘yinchoqlar tarixi” turkumi ilk bor 1995-yilda boshlangan bo‘lib, shu paytgacha suratga olingan to‘rtta qism jahon kinoprokatida jami 3,3 milliard dollar daromad keltirgan. Yangi qismdan ham shunga munosib darajadagi muvaffaqiyat kutilyapti.
