Sidni Suini ishtirokidagi “Kristi” filmi tarixdagi eng yomon kassa natijalaridan birini qayd etdi
Amerikalik aktrisa Sidni Suini bosh rolni ijro etgan “Kristi” sport biografik filmi o‘tgan haftada AQSh kinoteatrlarida debyut qildi va atigi 1,3 million dollar daromad keltirdi. Bu natija ikki mingdan ortiq ekranlarda namoyish etilgan filmlar orasida boks-ofis tarixidagi eng yomon ochilishlardan biri sifatida qayd etildi.
O‘xshash mavzular
11.11.2025
O‘xshash mavzular
08.11.2025
OAV xabariga ko‘ra, “Kristi” barcha kuzatuv yillarida qayd etilgan eng past ko‘rsatkichlar ro‘yxatida to‘qqizinchi o‘rinni egallagan. Film “Boks shon-shuhrat zali”ga kiritilgan birinchi ayol bokschi Kristi Martinning hayoti va ringdagi kurashini aks ettiradi.
Sidni Suini ijtimoiy tarmoqlarda film natijalariga izoh berib, muxlislariga minnatdorchilik bildirdi:
“Biz san’atni faqat raqamlar uchun yaratmaymiz, balki taassurot qoldirish uchun qilamiz. ‘Kristi’ — mening hayotimdagi eng mazmunli loyihalardan biri,” — deb yozdi aktrisa o‘zining Instagram sahifasida.
Filmni Devid Misho (“Rover”) boshqargan. Tanqidchilar, umuman olganda, asarga ijobiy baho berishgan — Rotten Tometouz platformasida reyting 66% ni tashkil etmoqda.
