2025 йил учун закот нисоби, фитр садақаси ва фидя миқдори эълон қилинди
Ўзбекистон мусулмонлари идораси 2025 йил учун закот нисоби, фитр садақаси ва фидя миқдорини эълон қилди.
Kinolarni bepul ko‘rish imkoniyati!
Мусулмонлар идораси Фатво марказининг 2025 йилги закот нисоби, фитр садақаси ва фидя миқдори бўйича қарори қабул қилинди.
Закотнинг тиллада нисоби 61 миллион 200 минг сўм этиб белгиланди. Кимда зарурий эҳтиёжидан ташқари 61,2 млн сўм ва ундан ортиқ пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5 фоизи)ни закот ниятида беради.
Фитр садақасининг миқдори қуйидагича белгиланди:
- буғдойдан — 10 минг сўм;
- арпадан — 16 минг сўм;
- майиздан — 110 минг сўм;
- хурмодан — 180 минг сўм.
Бир кунлик фидя миқдори фитр садақанинг миқдори билан бир хил бўлади.
Ҳар ким ўз имкониятига қараб ушбу тўрт маҳсулотдан хоҳлаган бири ёки унинг қийматини фидя ниятида бериши мумкин, дейилади хабарда.
Буни ҳам ўқинг
