Ханс Циммер Марвел лойиҳалари учун мусиқа ёзишдан воз кечди
“Оскар” мукофоти соҳиби, “Кариб денгизи қароқчилари” ва “Интерстеллар” каби фильмлар учун мусиқа ёзган композитор Ханс Циммер суперқаҳрамонлар киноси, хусусан, Марвел киностудияси фильмлари учун саундтреклар яратишни истамаслигини эътироф этди.
Kinolarni bepul ko‘rish imkoniyati!
“Вақт ноқулай эди. Тўғрисини айтсам, ҳозир мен бошқа нарсани излаяпман. Бундай дейиш мен томондан жуда такаббурлик бўлди. Кевин Файги [Marvel Studios президенти] менга: “Ҳанс, нимадан нолимоқчисан ўзи?” деди”, - дея эслайди Циммер Hppy Sad Confused подкастида.
У шунингдек, илгари учта суперқаҳрамон лойиҳаси — “Бэтмен”, “Пўлат одам” (Суперман) ва “Мўъжиза аёл” учун мусиқа ёзганини таъкидлади.
“Хўш, кимга мусиқа ёзишимни хоҳлайсиз? Иккинчи даражали қаҳрамонларгами? Чамаси, шундай”.
Яқинда Зиммернинг “Дюна 2” саундтреки биринчи қисмдан кўп ўхшашликлар туфайли “Оскар” мукофотига номзодликдан четлаштирилди. Бу ёз композиторнинг мусиқасини Брад Питт иштирокидаги “Формула-1” фильмида тинглаш мумкин бўлади.
Ҳозирда Марвелънинг Бешинчи кинематографик босқичи якунига етмоқда. Февраль ойида танқидчилар томонидан турлича баҳоланган янги “Капитан Америка” филми экранларга чиқди. Май ойига Флоренс Пю ва Себастиан Стан иштирокидаги “Момақалдироқчилар” фильмининг намойиши режалаштирилган. Олтинчи босқич шу йилнинг июль ойида “Фантастик тўртлик” филми билан бошланади.
Буни ҳам ўқинг
