18.03.2025
Абдуқодир Ҳусановга «Гелик»ни ким совға қилгани маълум бўлди


Муаллиф
Шоҳзамон Шуҳратов
“Манчестер Сити” клуби ва Ўзбекистон миллий жамоаси ҳимоячиси Абдуқодир Ҳусановга «Гелик» автомобили совға қилинди.
Tribuna.uz сайтига маълум бўлишича, асли қозоғистонлик ўзбек футбол функционери Улуғбек Асанбаев қимматбаҳо автомобилни Ҳусановга тўёна қилган.
Ўз вақтида «Пахтакор» ва «Дўстлик» жамоалари тўп сурган Асанбаев сўнгги йилларда футболчиларнинг хориж клубларига ўтишини ташкил қилишда жонбозлик кўрсатиб келаётганди.
21 ёшли Ҳусанов май ойида бўйдоқлик билан хайрлашиши кутилмоқда.
Аввалроқ, Ҳусанов ушбу автомобилни маҳрга бериш учун харид қилгани ҳақида хабарлар тарқалган, кейин эса рад этилганди.