Роналду 1000 та гол уриб, футбол тарихига киришни хоҳлашини айтди
Саудия Арабистонининг «Ан-Насср» клуби ҳужумчиси Криштиану Роналду фаолиятини якунлашдан аввал етиб боришни режалаштирган марраси ҳақида фикр билдирди.
Ushbi mavsumda Sharm al-Shayxga
Португалиялик футболчи мингта гол уриш ниятида эканини таъкидлаб, бу голлар видеоёзувлар билан тасдиқланишини қўшимча қилди. Унинг сўзларига кўра, бошқалардан фарқли равишда, у киритган барча голлар расмий ҳужжатлар билан тасдиқланади.
Роналду шу кунгача 924 та гол уришга муваффақ бўлган бўлиб, шулардан 789 таси клуб даражасида, яна 135 таси эса Португалия терма жамоаси сафида киритилган.
Жорий мавсумда у 25 та учрашувда майдонга тушиб, 23 та гол ва 4 та голли узатма амалга оширди. Трансфермаркт портали футболчининг бозор қийматини 12 миллион еврога баҳоламоқда.
Маълумотларга кўра, Пеле ўз фаолияти давомида 1363 та учрашувда 1279 та гол урган ва Гиннес рекордлар китобига киритилган. Аммо бу голларнинг қанчаси расмий учрашувларда киритилгани аниқ эмас.
