Актриса ва қизиқчи Ҳалимахон оламдан ўтди
7 декабрь куни таниқли қизиқчи ва актриса Ҳалима Иброҳимованинг вафот этгани маълум бўлди.
Yangi yilga eng yaxshi sovg‘ani topdik. BU NIMA?
Қизиқчи ва актриса Ҳалима Иброҳимова ҳаётдан кўз юмди. Актрисанинг вафоти ҳақида актёр ва унинг ҳамкасби Улуғбек Холмедов хабар берди.
Ҳалима Иброҳимова 1979 йилда туғилган. У Тошкент давлат санъат институтининг актёрлик маҳорати ва драматик санъат факультетини тамомлаган.
Актриса кўп йиллар давомида Мирзабек Холмедов раҳбарлигидаги театр-студияда фаолият юритган. Шунингдек, у кинофильмларда турли ролларни ижро этган.
У комедия пародиялари ва кўрсатувлардаги иштироки туфайли машҳурликка эришган. Ҳалимахон турмуш қуриб, икки фарзанд — ўғил ва қизни тарбиялаб вояга етказган. У 45 ёшда эди.
25 ноябрь куни ижтимоий тармоқларда актрисанинг оғир хасталикка чалингани ҳақида хабар тарқалган эди. Ҳозирча ўлим сабаби номаълум.
