Ал Пачино иштирокидаги «Ритуал» ҳоррор фильмининг биринчи трейлери эълон қилинди
Фильм ҳақиқий воқеага асосланган бўлиб, унда руҳонийлар ёвуз кучга дуч келгани ҳақида ҳикоя қилинади.
Kinolarni bepul ko‘rish imkoniyati!
YouTubeʼдаги XYZ Films каналида 6 июнь куни премьера қилиниши режалаштирилган «Ритуал» мистик триллерининг тизер-трейлери пайдо бўлди.
Сюжет Эмма Шмидт исмли қизни қутқариш учун бирлашган икки черков ходими атрофида айланади. Руҳонийларнинг фикрига кўра, уни жин чалган ва уни лаънатдан қутқаришнинг ягона йўли жоду маросимини ўтказишдир.
Бош ролларни Ал Пачино («Чўқинтирган ота», «Иблис адвокати») ва Ден Стивенс («Эбигайл», «Аждодлар нидоси») ижро этган, улар руҳоний-экзорсистлар образларини гавдалантирган. Эшли Грин («Сумерки», «Беморлар») маросимда иштирок этувчи роҳиба ролини ўйнади. Шунингдек, актёрлар таркибида Абигайл Коуэн («Тақдир: Винкс клуби достони», «Жуда ғалати ишлар») ва Патриша Хитон («Бундан ҳам ёмони бўлади») ҳам бор.
Фильмни «Кеннет Чемберленнинг ўлдирилиши» драмаси билан танилган Девид Мидделл суратга олган. Шунингдек, у Энрико Натале билан биргаликда сценарий ёзган. Лойиҳанинг визуал муҳити учун оператор Адам Биддл («Вой», «Адреналин»), продюсерлар орасида эса Энрико Натале, Росс Каган Маркс, Жефф Райс ва Митчелл Уэлш масъул.
Буни ҳам ўқинг
