Бритни Спирс Мексика аэропортида қўғирчоқ бола билан кўриниш берди. Мухлислар хонанданинг руҳий ҳолатидан хавотирда
Америкалик хонанда ва актриса Бритни Спирс навбатдаги таътилини Мексикада ўтказишга қарор қилди, деб ёзади People talk. Аэропортга хонанда ўзининг шахсий қўриқчиси билан бирга келган. Қўриқчининг қўлида эса адёлга ўралган қўғирчоқ бола бўлган.
Буни ҳам ўқинг
16.04.2025
Буни ҳам ўқинг
15.04.2025
Бу қўғирчоқни Бритни Instagram ижтимоий тармоғи орқали мухлисларига таништирган эди. Қўғирчоқнинг исми Бреннан бўлиб, Спирс унга ҳақиқий бола каби муносабатда бўлмоқда.
Мазкур суратлар Бритнининг мухлисларини ҳайратга солди. Кўплаб фойдаланувчилар хонанданинг руҳий ҳолати ҳақида ташвишланмоқда ва унга мутахассислар ёрдами керак, деган фикрларни билдирмоқда. Айримлар бу ҳолат Бритнининг ўз ўғилларини тарбиялай олмаслиги ортидан келган стресс билан боғлиқ бўлиши мумкинлигини айтган бўлса, бошқалар буни психологик терапия жараёнининг бир қисми сифатида, дея тахмин қилмоқда.
Маълумот учун, Бритни Спирс 2004 йилда Кевин Федерлайн билан турмуш қурган. Улар икки ўғил: Шон ҳамда Жейданнинг ота-онаси. 2007—2008 йилларда Бритнининг руҳий ҳолатидаги муаммолар сабабли суд фарзандларининг васийлигини тўлиқ Кевин Федерлайнга топширган. Бритни уларни фақат назорат остида кўриш ҳуқуқига эга бўлган. Кейинчалик у ўз соғлиғи устида ишлаган, бироқ фарзандлари билан муносабатлари тўлиқ тикланмаган.
Сўнгги йилларда Шон ва Жейден оналари билан учрашувлар сонини камайтирган. Кевин Федерлайн ва ўғиллари ҳатто бир неча бор Бритнининг ижтимоий тармоқлардаги ноодатий хатти-ҳаракатларидан хавотир билдирган. 2023 йилда эса Кевин ўғилларни Японияга кўчирган, бу эса Бритни учун оғриқли қарор бўлган, бироқ у бунга тўсиқ қўймаган. Ҳозирда Бритни ўғиллари билан доимий алоқада эмас, аммо у интервьюларида фарзандларига меҳрини ва соғинчини доим таъкидлаб келади.
Буни ҳам ўқинг
