Android 15 айрим Google Pixel 6 қурилмаларини ишдан чиқармоқда
Агар сизда Google Pixel 6 сериясидаги смартфон бўлса, Android 15 га янгиланишни ҳозирча кечиктирганингиз маъқул.
50 нафар дўстингизни таклиф қилинг ва iPhone 16 Pro ютиб олинг
Баъзи фойдаланувчилар ўз смартфонлари ишдан чиқиб қолганини аниқлашди ва ҳозирча бунинг ечими йўқ. Вазиятга Android Police манбаси эътибор қаратди.
Бир неча ҳолатларда Pixel 6 Private Space функцияси ёқилганидан сўнг бутунлай ишламай қолди. Шу билан бирга, бошқа бир фойдаланувчида бу ҳолат смартфондан оддий фойдаланиш пайтида юз берган.
Шунинг учун бу муаммонинг аниқ сабаби ҳали аниқланмаган. Pixel 6 шунчаки ўчиб қолади ва компьютерга уланишга ёки ёқиш ва овозни пасайтириш тугмаларини босиб туришга ҳам жавоб бермайди.
Бу барча Pixel 6 қурилмаларида содир бўлмади — айрим қурилмалар Андроид 15 га янгилангандан сўнг одатдагидек ишлашни давом эттиряпти. Бироқ, носозлик сабаблари тўлиқ аниқланмагунча кутиш ва операцион тизимни янгиламасликни маслаҳат берамиз.
