Бенедикт Камбербэтч иштирокидаги «Атиргуллар» фильмининг трейлери чиқди
Бош қаҳрамоннинг жуфтлиги Оливита Колман бўлди: улар эр-хотин — Айви ва Тео Роуз ролларини ижро этишади.
Searchligt «Атиргуллар» драмасининг илк трейлерини тақдим этди - машҳур «Атиргуллар жанги» қора комедиясининг янгича талқини. Фильм премьераси 29 августга белгиланган.
Режиссёр Жей Роуч («Ота-оналар билан танишув», «Остин Пауэрс»), сценарий муаллифи эса Йоргос Лантимос билан ҳамкорлик қилган Тони МакНамара («Севимли», «Бахтсиз камбағаллар»).
Ҳикоя Уоррен Адлернинг романига асосланган бўлиб, у аллақачон бир марта экранлаштирилган — 1989 йилда фильмни Денни ДеВито суратга олган. Янги талқин, ижодкорларнинг таъкидлашича, муҳаббатнинг шафқатсиз курашга айланиши ҳақидаги замонавий тамсил ҳисобланади.
Бош ролларни Оливия Колман ва Бенедикт Камбербэтч ижро этишган. Улар ташқи кўринишдан мукаммал бўлган эр-хотин — Айви ва Тео Роуз ролларини ўйнашади: муваффақиятли карьера, меҳрибон фарзандлар, Калифорниядаги уй. Бироқ фаровонлик пардаси ортида ҳал қилинмаган хафагарчиликлар ва ўсиб бораётган амбициялар яширинган. Теонинг карьераси инқирозга учрашни бошлаганида, Айви юқорилаб боради ва уларнинг никоҳида аста-секин ёриқлар пайдо бўлади.
Фильмда Камбербетч ва Колмандан ташқари, Энди Семберг, Эллисон Дженни, Шути Гатва, Кейт МакКиннон, Сунита Мани, Джейми Деметриу, Зои Чао ва Белинда Бромилоу ҳам роль ижро этишган.
Буни ҳам ўқинг
