Бугун қандай кун: 7-июлда нишонланадиган байрамлар
7-июль – Шарқий славянлар тақвимида ғайриоддий: боғ қўриқчисини ёқиш, гулхан устидан сакраш ва ўз ёрини қидириш каби урф-одатларга эга бўлган байрам. Шу билан бирга, Японияда Миллий муҳаббат байрами ва Юлдузлар фестивали бўлиб ўтади. Бугун, 7-июлда, яна қандай аҳамиятли кунлар ва байрамлар тўғри келишини кўриб чиқамиз.
Yangi yilga eng yaxshi sovg‘ani topdik. BU NIMA?
Глобал кечирим сўраш куни
Кечирим сўраш ҳар доим ҳам осон эмас, лекин у ҳар қандай муносабатларда вазиятни барқарорлаштиришга ёрдам беради. Бугун эса буни иложи борича экологик жиҳатдан қулай ва ҳатто байрамона қилиш мумкин. Яқинда сўзингиз ёки амалингиз билан хафа қилиб қўйган кишига қўнғироқ қилинг ёки ёзинг, сизни хафа қилганларни эса кечиринг. Бу амал психотерапия каби ишлайди.
Бутунжаҳон Суаҳили куни
БМТ томонидан 3 миллиондан ортиқ одам сўзлашадиган Суаҳили халқи (Африка қитъаси аҳолиси) тили шарафига ташкил этилган байрам. Бу байрам Танзания ва Кенияда расмий равишда нишонланади. Балки Суаҳили тилида саломлашишни ўргансакмикан? Ким билади, балки керак бўлиб қолар.
Психосоматик касалликларга қарши кураш куни
Асаблар, стресс ва ёмон ҳис-туйғулар соғлиққа бевосита таъсир кўрсатади, психосоматик касалликларга олиб келади. Чарчоқлар туфайли келиб чиқиши мумкин бўлган руҳий касалликларни олдини олиш учун, келинг, бугунги кунни ҳеч нарсани ўйламай, ташвишланмай ўтказамиз. Ҳеч бўлмаганда профилактика чораси сифатида.
Макарон куни
Италия ошхонаси мухлислари ва болаларга ушбу байрам албатта ёқади. Тушлик учун ўзгача соусли мазали макарон пиширинг. Агар фарзандингиз фақат макарон истеъмол қилса, ташвишланманг, бу унчалик қўрқинчли эмас ва одатий ҳолдир.
7-июлда кимлар туғилган?
- Ринго Старр – Британия мусиқаси тарихидаги энг машҳур гуруҳ – “The Beatles”нинг дўмбирачиси.
- Тото Кутунё – қўшиқчи, композитор ва қачонлардир Италиянинг энг севимли эркаги.
- Жанна Агузарова – совет қўшиқчиси, нафақат мусиқада, балки ўша давр модасида ҳам “ўзга сайёралик” услубининг намоёндаси.
