Баҳодир Жалоловнинг Канададаги жанги бекор қилинди
Ўзбекистонлик боксчи Баҳодир Жалоловнинг 6 февраль куни бўлиб ўтиши режалаштирилган жанги бекор қилинди. Бу ҳақда спортчи ўзининг ижтимоий тармоқлардаги саҳифасида маълум қилди.
Буни ҳам ўқинг
26.03.2025
Буни ҳам ўқинг
24.03.2025
Канаданинг Монреал шаҳрида ташкил этилиши керак бўлган профессионал бокс оқшомида Баҳодир Жалолов супероғир вазн тоифасида франциялик Девид Спилмонт билан рингга чиқиши лозим эди. Аммо шифокорлар спортчининг жангда иштирок этишига рухсат бермади.
Жалоловнинг сўзларига кўра, жуда арзимас сабаб туфайли жанг бекор қилинган. Учрашувга тайёр бўлишига қарамай, комиссия унга руҳсат бермаган. Спортчининг болалигидан бошлаб, ҳар сафар бошқа давлатга учганида ёки ҳаво алмашганида шундай муаммо юзага келиши айтиб ўтилди.
Баҳодир Жалолов ушбу жангга АҚШнинг Индио шаҳрида тайёргарлик кўрган эди. Унинг профессионал фаолиятидаги статистикаси 14 та жанг ва уларнинг барчасида нокаут билан ғалаба қозонган.
Унинг сўнгги жанги 2023 йилда Тошкентда бўлиб ўтган бўлиб, у Жанубий Африкалик Крис Томпсонни илк раундда мағлубиятга учратганди. Жалоловнинг рақиби Спилмонт эса 2024 йилда ўзининг сўнгги жангида Артем Чарниакевични тўртинчи раундда нокаутга учратган.
