Эндрю Гарфилд кинога янги роллар билан қайтишга ваъда берди
«Оскар» мукофотига номзод ва «Ўргимчак одам» юлдузи Эндрю Гарфилд The Hollywood Reporter газетасига берган интервьюсида кейинги ижодий режалари ҳақида маълум қилди.
Yangi yilga eng yaxshi sovg‘ani topdik. BU NIMA?
Гарфилднинг сўзларига кўра, 2022 йилда «Тик-так... БУМ!» мюзикли ва «Осмон байроғи остида» мини-сериалидан сўнг актёрлик фаолиятида танаффус олиш унга фойда келтирган.
«Мен бошқа йўналишда ишлашга тайёрман. Ўзимни эркинроқ, камроқ хавотирли ҳис қиляпман. Янада хурсандман. Кўпроқ англайдиган киши бўлдим,» - дейди Гарфилд.
Актёр келажакда Мерил Стрип, Райан Гослинг, Дэниел Дэй-Льюис, Роберт Де Ниро, Тимоти Шаламе ва бошқалар билан ишлашни хоҳлашини таъкидлади. У, шунингдек, Зендея билан экранда қайта учрашишни режалаштирмоқда.
Октябрь ойи охирида Гарфилд Флоренс Пью билан «Яшаш вақти» мелодрамасида бош ролни ижро этади. Яқинда у Лука Гуаданьинонинг «Овдан кейин» драмасини суратга олишни якунлади.
