Яндекс ҳужжатлар, тақдимотлар ва ҳаволалар билан ишлаш учун нейроэкспертни ишга туширди

Яндекс ҳужжатлар, тақдимотлар ва ҳаволалар билан ишлаш учун нейроэкспертни ишга туширди.

Ҳозирда у бета-версия мавжуд бўлиб, ундан Яндехънинг барча фойдаланувчилари фойдаланаишлари мумкин.

Нейроэксперт ҳужжатлар мазмунини қайта ҳикоя қилиш, олинган маълумотлардан хулоса чиқариш, маълумотларни таққослаш ва белгиланган услубда матнлар яратиш қобилиятига эга.

Хизматдаги билимлар базалари булутли омборлардаги папкаларга ўхшаш тарзда тузилган — уларга файлларни жойлаш ва кейин ҳавола орқали улашиш мумкин. Бундай бир «папка»га 25 тагача турли форматдаги файлларни юклаш имконияти мавжуд.

Фойдаланувчи юкланган маълумотлар ҳақида чат-бот билан суҳбатлашгандек диалог режимида саволлар бериши мумкин. Нейроэксперт фақат фойдаланувчи тақдим этган манбалар асосида жавоб тайёрлайди ва «ўзидан» ҳеч нарса қўшмайди.

Компания вакиллари айтишича, бу хизмат ҳам иш фаолиятида, ҳам кундалик ҳаётда фойдали бўлади. Масалан, ўқитувчилар маърузалардан билимлар базасини яратишлари, ўқувчилар эса имтиҳонларга тайёргарлик кўришда улардан керакли маълумотларни топишлари мумкин.

Шунингдек, нейроэксперт шарҳлар асосида маҳсулотларни таққослаш ва энг мақбул вариантни танлашда ёрдам беради. Келажакда бизнес учун нейроэкспертнинг қўшимча функцияларга эга кенгайтирилган версияси тақдим этилади.

Бу хизмат ички билимлар базаларидан маълумотларни қидириш, ишни тизимлаштириш, ходимларнинг мослашувини тезлаштириш ва уларнинг самарадорлигини оширишга кўмаклашади.