Олдин ва ҳозир: «Осиё» сериали актёрлари 18 йил ичида қандай ўзгарди?

Сериал 2007 йил 26 октябрда илк бор Д Каналда эфирга узатилган. У 2 та мавсум ва 71 қисмдан иборат. Ҳар бир эпизод 90 дақиқадан иборат. Режиссёр Жавдат Мержан ҳисобланади. Якуний қисм 2009 йил 19 июнда эфирга берилган.

Турк киносининг энг латофатли актрисаларидан бири, 42 ёшли Туба Буюкустун (Осиё) айни вақтда Франциянинг Париж шаҳрида истиқомат қилади. У UNICEF Goodwill лойиҳасининг Туркиядаги расмий элчисидир. Актриса Netflix томонидан 2022 йилда суратга олинган «Ўзга ўзим» фильмида сўнгги марта роль ижро этди.

Мурат Йилдирим (Темир) ҳам турк киносининг энг олди ва хушбичим актёрларидан бири ҳисобланади. У ҳозир 45 ёшда. Актёр ижодий фаолияти бошида театрда роль ижро этган. Режиссёр ундаги маҳоратни кўриб, катта кинога таклиф қилган. Йилдирим 2024 йилда суратга олинган «Яширин боғ» сериалида бош ролни ижро этди.

Четин Текиндор (Эҳсон Козжуоғлу) турк киноси отахонларидан биридир. У театрда ҳам ўзига хос узоқ йиллик тажрибага эга. Актёр сўнгги йилларда соғлиғидаги муаммолар сабаб кинолойиҳаларда фаол қатнашмаяпти. У 2022 йилдан ҳозирга қадар суратга олинаётган «Қирол балиқчи» сериалида Бурсу Алптекин образини гавдалантириб келмоқда.

Нур Сурер (Наримон Козжуоғлу) ўзининг сиёсий чиқишлари, аёллар ва маҳбуслар ҳуқуқини фаол ҳимоя қилиши билан турк жамоатчилиги орасида обрўли саналади. Актриса 2024 йилда бир йўла учта кинолойиҳада суратга тушди. Шунингдек, у ўтган йилда Нетфлихънинг «Кучли қарсаклар» сериалида қатнашди.

Салма Эргеч (Дафна) Германияда туғилиб, вояга етган. У 5 та тилда равон сўзлаша олади. Актрисанинг асл касби шифокор бўлиб, бир қанча ёндош соҳаларда ҳам мутахассисликларга эга. Эргеч «Осиё»дан кейин бирор машҳур лойиҳада суратга тушмаган. Айниқса, кино ва сериаллардаги иштирокини 2010 йиллардаёқ тугатган. Фақатгина 2021 йилда «Совға» веб-сериалида Умида ролини гавдалантирди.