Қорин ҳажми: нима учун у ҳар кимда ҳар хил?

Кўпчилик аёлларда қорин иккинчи триместрда кўрина бошлайди. Бу табиий, чунки бу давр боланинг жуда тез ўсиш давридир. Туғилгунга қадар унинг вазни етти баробар ошади [1].

Ҳомиладорлик меъёрида кечаётганда, болалар бачадонда деярли бир хил ривожланади. Уларнинг вазни у ёки бу ҳафтада унча фарқ қилмайди. Бироқ, ҳомиладор аёллар жуда турлича кўринишга эга бўлади. Хўш, қорин ҳажми нимага боғлиқ?

Гавда тузилиши ва бўй

Баланд бўйли аёлларда қорин камроқ сезилади, чунки бундай танада бола учун кўпроқ жой бўлади. Тана мускуллари ҳам муҳим рол ўйнайди. Агар улар машқ қилинган ва эластик бўлса, қорин кичикроқ кўринади [2, 3].

Ҳомиладорликлар сони

Илгари туғган аёлларда қорин мушаклари анча эластик бўлади. Шунинг учун иккинчи ва кейинги ҳомиладорликларда қорин кўпроқ чўзилади ва эрта муддатлардаёқ сезиларли бўлади [4].

Болалар сони

Шубҳасиз, кўп болали ҳомиладорликда қорин каттароқ бўлади, чунки у икки ёки ундан ортиқ болани ўз ичига олади. Бундай ҳолатда онанинг ўзи ҳам кўпроқ вазн орттиришга мойил бўлади [5].

Амниотик суюқлик ҳажми

Ҳомила атрофидаги сувлар болани бутун ҳомиладорлик давомида ўраб туради – у улардан озуқа моддаларини олади. Баъзида улар одатдагидан кўпайиб кетади, натижада қорин каттароқ кўринади. Мўътадил даражадаги кўп сувлилик одатда хавфли эмас, бироқ бундай ҳолатларда шифокор назоратида бўлиш зарур. Қориннинг кескин катталашиши эса - дарҳол тиббий ёрдамга мурожаат қилиш учун асос ҳисобланади [6, 7].

Вазн ортиши

Бўлажак она фаол равишда вазн орттираётгани сабабли ҳам қорин кўпроқ сезиларли бўлиши мумкин. Кенг тарқалган фикрнинг аксига ўлароқ, ҳомиладорлик пайтида икки киши учун овқатланиш шарт эмас - айниқса ёғли ва ширин маҳсулотларни. Қўшимча равишда кунига атиги 300 дан 450 калориягача истеъмол қилиш кифоя, овқат эса тўйимли ва мувозанатли бўлиши лозим [8, 9].

Муҳим

Қориннинг ўлчами – индивидуал ва субъектив кўрсаткич. Боланинг ўсиши эса, аксинча, ҳомиладорлик қандай кечаётгани ҳақида ишончли маълумот беради. Шифокор боланинг бўйини бачадон туби баландлиги - қов суягидан бачадоннинг энг юқори нуқтасигача бўлган масофа бўйича ҳисоблайди. 24-ҳафтадан бошлаб чақалоқнинг бўйи одатда ҳомиладорлик ҳафтаси рақамига тўғри келади (плюс-минус 2 см). Бу қонуният тана вазни индекси юқори бўлган аёллар ва кўп ҳомилали ҳомиладорлик ҳолатларида ўз кучини йўқотади [10].

The Second Trimester. Johns Hopkins University. https://www.hopkinsmedicine.org/health/wellness-and-prevention/the-second-trimester 
Baby bumps aren’t the same size — here’s why. Laura Hensley. Global News, 2019. https://globalnews.ca/news/5236861/baby-bump-sizes/ 
Does your baby bump size matter? Juliet McGrattan. Netdoctor, 2020. https://www.netdoctor.co.uk/parenting/pregnancy-birth/a9212/does-your-bump-size-matter/ 
How does a second pregnancy differ from the first? Tommy’s, 29.08.2023.
https://www.tommys.org/pregnancy-information/im-pregnant/ask-a-midwife/how-does-second-pregnancy-differ-first 
Twin pregnancy: What twins or multiples mean for mom. Mayo Clinic. https://www.mayoclinic.org/healthy-lifestyle/pregnancy-week-by-week/in-depth/twin-pregnancy/art-20048161 
Polyhydramnios. Mayo Clinic. https://www.mayoclinic.org/diseases-conditions/polyhydramnios/symptoms-causes/syc-20368493 
Polyhydramnios (too much amniotic fluid). NHS. https://www.nhs.uk/conditions/polyhydramnios/ 
Nutrition During Pregnancy. ACOG. https://www.acog.org/patient-resources/faqs/pregnancy/nutrition-during-pregnancy 
Weight Gain During Pregnancy. CDC. https://www.cdc.gov/reproductivehealth/maternalinfanthealth/pregnancy-weight-gain.htm 
What’s the significance of a fundal height measurement? Yvonne Butler Tobah. Mayo Clinic. https://www.mayoclinic.org/healthy-lifestyle/pregnancy-week-by-week/expert-answers/fundal-height/faq-20057962