Раньери Шомуродовнинг «Рома»даги келажагига ойдинлик киритди
«Рома» бош мураббийи Клаудио Раньери Европа Лигаси 8-туридан ўрин олган «Айнтрахт»га (2:0) қарши ўйиндан сўнг Элдор Шомуродовнинг клубдаги келажагига ойдинлик киритди.
Kinolarni bepul ko‘rish imkoniyati!
Ўзбекистонлик ҳужумчи беллашувда 67-дақиқада захирадан майдонга тушиб, 69-дақиқада гол урди ва жамоасининг плей-оффга чиқишига ҳисса қўшди.
«Шомуродовга биз билан қолишини айтдим. Элдорни ҳамма — мухлислар, футболчилар ёқтиради, чунки у доимо борини беради.
Мен эса уни кўп уришиб тураман. Шунинг учун унга: «Агар кетсанг, кимга жаҳл қиламан?» деб айтдим», дея италиялик мутахассиснинг сўзларини келтиради Roma Press.
Аввалроқ 29 ёшли Шомуродовга Италиянинг бир нечта клублари қизиқиш билдираётгани хабар қилинганди.
Европа Лигасининг сўнгги турида ғалаба қозонган «Рома» ўтиш ўйинида қатнашади. Унинг рақиби бугун, 31 январь кун аниқ бўлади.
Буни ҳам ўқинг
