Тошкентда кўчмас мулк нархи арзонлашди
Иқтисодий тадқиқотлар ва ислоҳотлар маркази томонидан тақдим этилган ҳисоботга кўра, 2024 йил август ойида Тошкент шаҳрида уй-жой ижараси соҳасида икки ойлик нарх пасайишидан кейин барқарорлик кузатилди.
Yangi yilga eng yaxshi sovg‘ani topdik. BU NIMA?
Пойтахтдаги бир квадрат метр турар жой майдонининг ўртача ижара нархи 8,3 долларни ташкил этиб, жорий йилнинг июль ойига тенг. Июнь ойига нисбатан пасайиш 1,2 фоизни, май ойига нисбатан эса 0,6 фоизни ташкил этди.
ИТИМ экспертлари бозордаги барқарорликни мавсумий омил - анъанавий равишда ижарачилар ўртасида фаолликнинг ошиши билан бирга келадиган ўқув йилининг бошланиши билан боғлашади.
Август ойида барқарорлашганига қарамай, йиллик нисбатда ўртача ижара нархининг пасайиши кузатилмоқда. Масалан, 2023 йил август ойида бир квадрат метр ижара нархи ўртача 9 долларни ташкил этган бўлса, йил давомида бу кўрсаткич 7,3 фоизга камайди.
Бектемир ва Сергели туманларида ижара нархи энг арзон бўлиб қолмоқда, бу ерда ўртача ижара нархи квадрат метр учун 6 долларни ташкил қилади. Энг юқори нархлар пойтахтнинг марказий ҳудудларида қайд этилган: Миробод, Шайхонтоҳур ва Яккасарой. У ерда ижара нархи ҳар квадрат метр учун 10 долларга етади.
Шу билан бирга, йил давомида нархларнинг энг катта пасайиши қуйидаги туманларда кузатилди:
- Яккасарой тумани: -14,8 фоиз;
- Яшнобод тумани: -13,3 фоиз;
- Шайхонтоҳур тумани: -11,5 фоиз;
- Юнусобод тумани: -10 фоиз.
ИТИМ таҳлилчиларининг таъкидлашича, Тошкент шаҳрида уй-жой ижараси нархларининг пасайиш тенденцияси сақланиб қолмоқда.
