Бир зум ҳам тўхтатишни хоҳламайсиз: Кескин воқеаларга бой янги сериаллар

Барча ўхшашликлар тасодифий эмас

Драма, триллер (АҚШ, Буюк Британия)

Кэтрин — ўзининг шов-шувли суриштирувлари учун кўплаб нуфузли мукофотларга сазовор бўлган машҳур журналист. Унинг ўғли 25 ёшда ва у ўз ҳаётини қуришни бошлаяпти, Кетрин эса уни доимо қўллаб-қувватлайдиган эри билан яшайди.

Бир куни унга почта орқали кичкина китоб юборишади. Кэтрин уни ўқий бошлагач, дарҳол тушундики, унда ўзи билан кўп йиллар олдин содир бўлган ва шу вақт давомида унутишга уринган ҳақиқий воқеалар тасвирланган.

Асар муаллифи мактаб ўқитувчиси бўлиб, у қўлёзмани марҳум хотинининг хонасидан топган. Аёл ўғлининг хатлари ва фотосуратларидан унинг ўсмирлик чоғида Италияга саёҳатга борганида нималар содир бўлганини билиб олган.

Китоб умумий фойдаланиш учун веб-сайтда эълон қилинган ва унда Кэтриннинг исми кўрсатилмаган, шунга қарамай, қаҳрамон сирлар ошкор бўлишидан ва унинг карьераси тугашидан хавотирланади.

2015 йилда Рени Найтнинг шу номдаги бестселлери асосида яратилган мини-сериални мексикалик режиссёр Алфонсо Куарон суратга олган («Инсон боласи», «Рома», «Тортишиш кучи»). Бош ролларни Кейт Бланшетт, Кевин Клайн, Саша Барон Коэн, Луис Патридж ва бошқалар ижро этишган.

Ўтган тунда Треморда

Триллер, драма, детектив (Испания, Netflix)

Микел Сантьягонинг худди шу номдаги романи асосида суратга олинган детектив триллер томошабинни фильмлар учун кўплаб композициялар ёзган ва бунинг учун ҳатто нуфузли мукофотларга сазовор бўлган машҳур мусиқачи билан таништиради.

Алекс яқинда ажрашган ва ҳозир илҳом излаяпти. У илҳом парисини излаб, кичик соҳилбўйи шаҳри Треморга боради, у ерда уйни ижарага олиб, ишга киришади.

Бир куни эркак янги танишларникига кечки овқатга боради. Кечаси алламаҳалда уйига қайтаётиб, машинадан тушади ва уни чақмоқ уради. Алекс ўзига келганда касалхонада эканлигини кўради.

Тез орада уни фожиали воқеалар содир бўладиган кўринишлар қийнай бошлайди. Алекснинг онаси шизофрениядан азият чеккан ва унинг ўзида ҳам тушни ҳақиқатдан ажратиш қийин бўлган ҳолатлар бўлган. Ҳеч ким унинг гапига қулоқ солишни истамайди, аммо қаҳрамон яқинлари ўлим хавфи остида эканига ишонч ҳосил қилади.

Ҳудудни ҳимоя қилиш

Драма, вестерн (Австралия)

Сериал воқеалари Лоусенлар оиласи томонидан бешинчи авлоддирки бошқарилиб келинаётган дунёдаги энг катта Марианна чорвачилик фермасида кечади.

Сўнгги пайтларда уларнинг ишлари яхши кетмаётган ва даромад деярли йўқ эди. Колин меросни сақлаб қолди ва бошқарувни катта ўғли Дэниэлга топширди. У вазиятни яхшилашга ва қариндошларининг қўллаб-қувватлашига эришди.

Унинг бу жойни ўзгартириш режаси бор эди, лекин у фожиали тарзда ҳалок бўлди. Колин бизнесни назорат қилиш учун жуда кекса, унинг ягона меросхўри эса раҳбарлик лавозимига лойиқ эмас.

Ҳаммаси батамом барбод бўлмасдан олдин зудлик билан бирор чора кўриши керак. Рақобатчилар Лоусенлар қандай аҳволда эканлигини тушунишади ва мулкни қўлга киритиш учун уларнинг заифлигидан хурсандчилик билан фойдаланади.

Джоан

Драма, жиноят (Буюк Британия)

Джоан бутун болалигини етимхоналарда ўтказди, эрта турмушга чиқди ва Келли исмли қиз туғди. Афсуски, никоҳ бузилди. Эри бошқа аёлни топди, муаммоларга дуч келди, жиноятчилардан қарздор бўлиб қолди ва қочиб кетди, энди эса қарзлар Джоандан талаб қилинмоқда.

У бу одамлар билан ҳеч қандай алоқаси бўлмаслиги кераклигини тушунади ва ўзи ҳам қочишга қарор қилади. Севимли қизини кимга қолдиришни билмайди, шу сабабли қаҳрамон Келлини вақтинча иш ва уй-жой топмагунча уни асраб олувчи оилага беради.

Аёл қизини имкон қадар тезроқ қайтариш ва ҳаётини янгидан бошлаш учун қўлидан келган барча ишни қилади, лекин иш берувчилар билан омади юришмайди. Бир куни у заргарлик дўконига ишга жойлашади, аммо дўкон эгаси унга тегажоғлик қила бошлайди.

Джоан вазиятдан фойдаланиб, бир нечта олмос тошларни ўғирлайди. Ишончли харидор топиб, ташқи кўринишини ўзгартириб ва полиция таъқибидан қочиб, ўғирлик қилишни давом эттиради.

Ванда қаерга кетди?

Драма, комедия (Германия)

Сюжет марказида ғалати анъаналарига эга бўлган кичик шаҳарчадаги энг оддий немис оиласи жойлашган бўлиб, у ерда ҳамма бир-бирини жуда яхши билади.

Бир куни 17 ёшли Ванда дўстлари билан сайрга чиқди ва изсиз ғойиб бўлди. Мана икки ойдирки, у бедарак йўқолган, деб ҳисобланади, полицияда эса биронта ҳам дурустроқ илмоқ йўқ.

Бобоси ва Карлотта қизларини топишга жон-жаҳдлари билан ҳаракат қилишади, турли эшиттиришларга боришади ва варақаларни ёпиштиришади, лекин бу натижа бермайди. Изқуварлар Ванданинг шаҳар ташқарисидан чиқмаганини ва ҳар қандай жойда бўлиши мумкинлигини аниқладилар.

Уни топиш имконияти кундан кунга камайиб бормоқда, бу эса ўзимиз ҳаракат қилиш вақти келганини англатади. Ота-оналар электрчилар ниқоби остида тумандаги барча уйларга кириб, кузатув мосламаларини ўрнатишади. Ажабланарлиси шундаки, улар барча аҳоли ҳайратланарли сирларни яшираётганини ва омма олдида ўзларини ким деб танишмаётганини билишади.

Парижнинг қулаши

Жангари (Буюк Британия, Франция)

Буюк Британиянинг Франциядаги элчихонасида юқори мартабали шахсларнинг норасмий учрашуви бўлиб ўтди. Кечқурун қуролланган ёлланма аскарлар бинога бостириб кириб, юздан ортиқ кишини гаровга олди.

Уларни раҳбариятга бўйсунмай қўйганидан кейин Афғонистондаги қамоқхонада қамалган собиқ ҳарбий Джейкоб Пирс йиғди. У озодликка чиқишга муваффақ бўлди ва энди қасос олиш иштиёқида ёнмоқда.

Жейкобнинг биринчи нишони буйруқ берган мудофаа вазири бўлди. Унинг шахсий қўриқчиси Винсент Алеб бошлиғини яшириб, ҳужум қилганларга зарба беришга муваффақ бўлди.

Унга тадбирда иштирок этган МI6 ходими Зара Тейлор ёрдам берди. Можаро ҳал бўлгандан сўнг икки давлат ҳукумати хавфли жиноятчини қўлга олиш учун махсус гуруҳ тузишга қарор қилади.

Винсент ва Зара шерик бўлиб, Пирсни таъқиб қила бошлайди. У тўхтамаслиги аниқ, шунинг учун қурбонлар янада кўпайгунга қадар уни қўлга олиш керак.