Тошкентнинг учта туманида табиий газ етказиб бериш вақтинча тўхтатилади
27 ноябрь куни таъмирлаш ишлари сабаб белгиланган вақтларда Сергели, Учтепа ва Яккасарой туманларининг айрим ҳудудларига табиий газ етказиб берилмайди.
Yangi yilga eng yaxshi sovg‘ani topdik. BU NIMA?
Тошкентнинг учта туманидаги айрим ҳудудларда табиий газ етказиб бериш вақтинча тўхтатилади. Бу ҳақда «Ҳудудгаз пойтахт» матбуот хизмати хабар берди.
27 ноябрь куни таъмирлаш ишлари сабаб Сергели, Учтепа ва Яккасарой туманларининг белгиланган ҳудудларига табиий газ етказиб берилмайди.
Хусусан:
Сергели тумани (соат 10:00 дан 18:00 гача)
- Аҳоли истеъмолчилари сони: «Олтин водий» МФЙ «Олтин водий» кўчасида 8та кўп қаватли уйлардаги 380та хонадон, «Безакчи» ва «Олтин водий» 1, 2-тор кўчаларидаги 230та ерли хонадон.
Учтепа тумани (соат 10:00 дан 19:00 гача)
- Аҳоли истеъмолчилари сони: «Саккокий» МФЙдаги 220 та ерли хонадон;
- Улгуржи истеъмолчилар сони: 2 та.
Яккасарой тумани (соат 10:00 дан 18:00 гача)
- Аҳоли истеъмолчилари сони: «Бошлиқ» мавзеси 16 та кўп қаватли уйлардаги 1375 та хонадон;
- Улгуржи истеъмолчилар сони: 14 та.
Таъмирлаш ишлари тугатилгандан сўнг, табиий газ таъминоти қайта тикланади.
Юзага келаётган ноқулайликлар учун газ таъминоти филиали истеъмолчилардан узр сўрайди.
