Винисиус Саудияга кетадими? Клубнинг позицияси эълон қилинди
Мадриднинг «Реал» клуби 24 ёшли бразилиялик ҳужумчи Винисиус Жуниорга бўлаётган Саудия Арабистони клубларининг қизиқиши ҳақида тарқалган хабарларга қандай муносабатда экани маълум бўлди. Бу ҳақда Relevo нашри хабар бермоқда.
Kinolarni bepul ko‘rish imkoniyati!
Манбага кўра, клуб матбуотда пайдо бўлган шов-шувлардан хабардор, лекин ваҳимага тушмаяпти. Сабаби Винисиуснинг «Реал» билан шартномаси 2027 йилгача амал қилади ва унда 1 миллиард евро миқдорида товон пули белгиланган.
«Қироллик клуби» футболчини сотиш ниятида эмас ва келажакда шартномани қачон узайтиришни ўзи ҳал қилади.
Аввалроқ Винисиус Жуниор «Реал» билан шартномани узайтиришдан бош тортгани ва унга Саудия клублари жиддий қизиқаётгани ҳақида хабарлар тарқалган эди.
Бразилиялик футболчи 2018 йилдан бери «қироллик клуби»да ўйнайди. Ушбу давр мобайнида 193 учрашувда майдонга тушиб, 57 бор рақиблар дарвозасини ишғол қилган. Transfermarkt портали футболчининг бозор қийматини 200 миллион еврога баҳолаган.
Буни ҳам ўқинг
