Хонадон ва пул: Ўзбекистонлик UFC жангчиси Рамазон Темиров ғалабадан сўнг бойиб кетди
Ёрқин чиқиши ва жангни муддатидан олдин якунлагани учун жангчи UFC раҳбариятидан 50 000 АҚШ доллари миқдорида мукофот олишга муваффақ бўлди.
Yangi yilga eng yaxshi sovg‘ani topdik. BU NIMA?
Яқинда Мутлақ Жанг Чемпионатида (UFC) илк бор иштирок этган машҳур аралаш яккакураш жангчиси Рамазон Темиров ҳомийлардан сахий совға — Тошкент шаҳрида икки хонали квартира қабул қилиб олди. Ушбу совға спортчининг UFC турниридаги ажойиб чиқиши учун тақдим этилди, у биринчи раунднинг ўзидаёқ техник нокаут билан ғалаба қозонган эди.
Эслатиб ўтамиз, Темировнинг UFCʼдаги илк жанги ўтган ҳафта бўлиб ўтди ва аралаш яккакураш мухлислари орасида катта қизиқиш уйғотди. Рақиб устидан қозонилган ишончли ғалаба ҳакамларни ҳам, томошабинларни ҳам лол қолдирди. Ёрқин чиқиши ва жангни муддатидан олдин якунлагани учун жангчи UFC раҳбариятидан 50 000 АҚШ доллари миқдорида мукофот олишга муваффақ бўлди.
Ҳомийларнинг пойтахтдаги квартира шаклида берган совғаси спортчининг молиявий мукофотига ёқимли қўшимча ва унинг хизматларини эътироф этиш бўлди. Ҳомийларнинг бундай қўллаб-қувватлаши Ўзбекистонда аралаш яккакурашнинг тобора оммалашиб бораётгани ва ушбу спорт турига қизиқиш ортиб бораётганидан дарак беради.
