Хонанда Дилноз илк марта яккахон концерт беради
Таниқли хонанда Дилноз Ҳакимова илк марта яккахон концерт беради. Қўшиқчи бунинг учун катта тайёргарлик кўрилаётганини маълум қилган.
Дилноз Ҳакимова тез орада яккахон концертини ташкиллаштиради.
Хонанда мухлислари орасида сўровнома ўтказиб, концертга келиш-келмасликларини сўраган. Аксарият тингловчилар у билан барча қўшиқларни жонли айтишга умид билдирмоқда.
Шунингдек, Дилноз 10-июль куни “Ошиқман” деб номланган янги таронасини премера қилади. Концерт дастури ҳам премераларга бой бўлиши ваъда қилинган. Аммо дастур санаси ҳозирча номаълум.
Дилноз Ҳакимова бир қанча ҳит тароналар муаллифи ҳисобланади. Жумладан, “Саҳарларда”, “Дайди”, “Гулбадан” каби қўшиқлари билан танилган. Уни халқ орасида Конста билан биргаликда куйланган “У ҳақида” қўшиғи анча машҳур қилган.
