Spark қайта тирилади: Автомобилнинг янги суратлари эълон қилинди
Chevrolet компанияси Spark моделининг кейинги авлодига оид илк расмий суратларни тақдим этди. Эндиликда ушбу машина кичик хетчбек эмас, балки ихчам шаҳар кроссовери сифатида намоён бўлади.
Ushbi mavsumda Sharm al-Shayxga
Модель Хитойнинг Baojun Yep Plus (Yuee Plus номи билан ҳам танилган) электромобили платформасида яратилган бўлиб, General Motors (GM) ва SAIC қўшма корхонасида ишлаб чиқилган.
Аввал ҳам Chevrolet Хитой автомобиль ишлаб чиқарувчилари билан ҳамкорлик қилган ва уларнинг маҳсулотларини ўз бренди остида тақдим этган. Масалан, Baojun 530 платформасида иккинчи авлод Chevrolet Captiva яратилган.
Янгиланган Chevrolet Spark ўзининг асл Baojun Yep Plus моделидан асосан эмблема ва шилдиклар билан фарқланади. Автомобиль ўзига хос бурчакли кузов, кучли бамперлар, қора ялтироқ рамка билан боғланган LED фаралар, вертикал жойлашган орқа чироқлар ҳамда очилувчи юкхонага эга.
Машина ўлчамлари қуйидагича: узунлиги 3 996 мм, кенглиги 1 760 мм, баландлиги 1 726 мм ва ғилдирак базаси 2 560 мм.
Салон ички дизайни ҳам асосан Баожун моделидан олиниб, фарқловчи жиҳати фақат рулдаги Chevrolet логотипи бўлади. Ички панелда мультимедиа тизими учун алоҳида экран жойлашган, олд ўриндиқлар орасида эса стакан қўйиш мумкин бўлган тирсак қўйгич мавжуд.
Ҳозирча янги Chevrolet Spark EUVʼнинг техник хусусиятлари расмий равишда эълон қилинмаган. Моделнинг Ўзбекистонда сотилиши ёки сотилмаслиги борасида ҳам аниқ маълумот йўқ.
