Ronaldu Klublar o‘rtasidagi Jahon chempionatiga borishi mumkin
40 yoshli portugaliyalik hujumchi Krishtianu Ronaldu yozgi transfer oynasida “An-Nassr” klubidan ketishi mumkin. Bu haqda Marca nashri xabar berdi.
Kinolarni bepul ko‘rish imkoniyati!
Manbaga ko‘ra, Marokashning “Vidad” jamoasi futbolchini o‘z safiga qo‘shib olishni istamoqda. Klub rahbariyati mazkur transferni iyun oyi AQShda bo‘lib o‘tadigan Klublar o‘rtasidagi Jahon chempionatiga qadar yakunlashni rejalashtirgan.
Marokash jamoasi 2021/22-yilgi mavsum Afrika Chempionlar Ligasida g‘olib bo‘lgan va shu sabab yangi formatdagi Jahon chempionati yo‘llanmasiga ega chiqqan. Ular “Manchester Siti”, “Yuventus” va “Al-Ain” bilan birgalikda G guruhidan joy olgan.
Ma’lumot uchun, 2024/25-yilgi mavsumda Ronaldu “An-Nassr” safida 39 ta o‘yinda maydonga tushib, o‘z hisobiga 33 ta gol va 4 ta golli uzatma yozdirib qo‘ygan. Uning riyodliklar bilan shartnomasi iyun oyi oxirida yakunlanadi.
O‘xshash mavzular
