Shahriyor: rep yulduzining qo‘shiqlari va shaxsiy hayoti. Uning rafiqasi kim va u nega AQShdan qaytdi?
Shahriyor – o‘zbek reperi, “Tashlandiq” filmining yulduzi va eng ko‘p muhokama qilinadigan musiqachilardan biri. Biz Shahriyorning eng yaxshi treklarini jamladik, shuningdek, uning shaxsiy hayotiga – 34 yoshida o‘ylanib, o‘tkazgan to‘yi haqida ham ma’lumot berdik.
O‘xshash mavzular
05.02.2025
Shahriyor: biografiyasi
Tug‘ilgan sanasi: 15-aprel, 1989-yil
Burji: Qo‘y
Tug‘ilgan joyi: Samarqand
Oilaviy holati: uylangan
Rep yulduzi bolaligi va yoshlik yillari haqida ko‘p gapirmaydi, shaxsiy hayotini sir saqlashni afzal ko‘radi. Biroq muxlislar aynan Shahriyor O‘zbekistonni rep musiqasi olamiga yetaklab kelgan san’atkorlardan biri ekanligini yaxshi bilishadi.
Reper “Seni ko‘rdim”, “Isming yuragimda” va “Uzilgan aloqa” kabi hitlari bilan mashhurlikka erishgan. U mashhur janrning kam sonli vakillaridan bo‘lib, erishilgan natijalarda to‘xtab qolmagan va hatto o‘zining “Amerika orzusi”ga ham erishgan.
AQShga ko‘chib ketishi
Shahriyor AQShga ko‘chib ketgani haqida ommaviy axborot vositalari orqali ma’lum bo‘ldi. Oradan bir necha yil o‘tib, u YouTube’dagi “ZBS Podcast” loyihasining mehmoni bo‘ldi va nima sababdan O‘zbekistonga qaytganini hamda “American Dream” haqida o‘z qarashlarini bildirdi:
“Bu shior juda keng tarqalgan, lekin ko‘p narsa insonning o‘ziga bog‘liq ekanligini unutmaslik kerak. Ba’zi odamlar “chegaralar” ichida yashashadi va ularni kengaytirish qiyin. Lekin shunday insonlar borki, ular chegaralarni kengaytirishdan qo‘rqmaydi va ehtimol ular “American Dream” tushunchasini yaxshiroq tushunishadi. Ammo insonning eng katta boyligi aslida boshqa narsada – har tong uyg‘onish, sog‘-salomatliging, ko‘rib, yura olishing – mana shular haqiqiy boylik.”
Shuningdek, u AQShda nimalarga erishgani haqida ham so‘zlab berdi. Reperning aytishicha, uning asosiy yutug‘i – shaxsiy yuk tashish (trucking) biznesiga ega bo‘lishi. Bundan tashqari, u “Makon” nomli o‘zbek taomlari restorani ochgan, lekin bu loyiha muvaffaqiyatsizlikka uchragan. O‘zbekistonga esa sahnaga qaytib, muxlislarini yangi hitlari bilan xursand qilish uchun qaytgan.
Shahriyor: qo‘shiqlari
Kel monеy
Faryodim
Rasvo
Do‘stmisan
O‘rik gullaganda
Sita
Izhor
Seni ko‘rdim
Kerakligimda
Shaxsiy hayoti
Shahriyorning uylangani haqida 2023-yilning yozida ma’lum bo‘ldi. O‘sha paytda reperning to‘yidan video lavhalar ijtimoiy tarmoqlarda tarqaldi. Bayram reperning tug‘ilgan shahri Samarqandda o‘tkazilgan bo‘lib, shaharliklar bu voqeaga juda xursand bo‘lishdi – axir, san’atkor 34 yoshida uylangan edi!
Shahriyorning rafiqasi – Nurangiz. Reper to‘yga qadar o‘z sevgan insonini ommaga ko‘rsatmagan. Videolardan ko‘rinib turibdiki, tantana keng miqyosda o‘tgan – faqat oila a’zolari va qo‘shnilar emas, balki mashhur o‘zbek san’atkorlari ham unda ishtirok etgan.
