28.10.2024
Toshkentga besh balli magnit boʻroni yaqinlashmoqda
Muallif
Shohzamon Shuhratov
28-oktyabr kuni Oʻzbekistonda kuchli “qizil daraja”dagi magnit boʻroni kuzatiladi. Ikki kun davomida yuqori geomagnitli koʻrsatkichlar saqlanib qoladi.
Meteoagent maʼlumotlariga koʻra, 28-oktyabrda Oʻzbekistonda kuchli “qizil daraja”dagi magnit boʻroni boʻladi.
Xabarlarga qaraganda, geomagnit gʻalayonlar kuchi K-indeks boʻyicha 5 ballni tashkil etadi. 29-oktyabrda Quyosh faolligi 4 ballgacha pasayadi.
Bunday boʻronlar ob-havoga taʼsirchan va meteoropatiya (ob-havo oʻzgarishi tufayli paydo boʻladigan ogʻriqlar) alomatlarini his qiluvchi odamlarga salbiy taʼsir koʻrsatishi mumkin. Shuningdek, yurak-qon tomir kasalliklari, asab tizimi kasalliklari, qandli diabet va bronxial astmadan aziyat chekayotgan odamlar ham bu taʼsirni sezishi mumkin.
