Yandex hujjatlar, taqdimotlar va havolalar bilan ishlash uchun neyroekspertni ishga tushirdi

Yandex hujjatlar, taqdimotlar va havolalar bilan ishlash uchun neyroekspertni ishga tushirdi.

Hozirda u beta-versiya mavjud boʻlib, undan Yandexʼning barcha foydalanuvchilari foydalanaishlari mumkin.

Neyroekspert hujjatlar mazmunini qayta hikoya qilish, olingan maʼlumotlardan xulosa chiqarish, maʼlumotlarni taqqoslash va belgilangan uslubda matnlar yaratish qobiliyatiga ega.

Xizmatdagi bilimlar bazalari bulutli omborlardagi papkalarga oʻxshash tarzda tuzilgan — ularga fayllarni joylash va keyin havola orqali ulashish mumkin. Bunday bir “papka"ga 25 tagacha turli formatdagi fayllarni yuklash imkoniyati mavjud.

Foydalanuvchi yuklangan maʼlumotlar haqida chat-bot bilan suhbatlashgandek dialog rejimida savollar berishi mumkin. Neyroekspert faqat foydalanuvchi taqdim etgan manbalar asosida javob tayyorlaydi va “oʻzidan” hech narsa qoʻshmaydi.

Kompaniya vakillari aytishicha, bu xizmat ham ish faoliyatida, ham kundalik hayotda foydali boʻladi. Masalan, oʻqituvchilar maʼruzalardan bilimlar bazasini yaratishlari, oʻquvchilar esa imtihonlarga tayyorgarlik koʻrishda ulardan kerakli maʼlumotlarni topishlari mumkin.

Shuningdek, neyroekspert sharhlar asosida mahsulotlarni taqqoslash va eng maqbul variantni tanlashda yordam beradi. Kelajakda biznes uchun neyroekspertning qoʻshimcha funksiyalarga ega kengaytirilgan versiyasi taqdim etiladi.

Bu xizmat ichki bilimlar bazalaridan maʼlumotlarni qidirish, ishni tizimlashtirish, xodimlarning moslashuvini tezlashtirish va ularning samaradorligini oshirishga koʻmaklashadi.