Yanvarda O‘zbekistonda -20 darajagacha sovuq bo‘lishi mumkin
Ma’lum bo‘lishicha, 2025 yil yanvar oyining birinchi o‘n kunligida O‘zbekiston hududi bo‘yicha anomal sovuq yoki anomal iliq sharoitlar kutilmaydi. Bu haqda O‘zbekiston Respublikasi Gidrometeorologiya xizmati markazi (O‘zgidromet) xabar berdi.
100 dollargacha bo‘lgan eng yaxshi sovg‘alar. QAYERDAN XARID QILISH MUMKIN?
Dastlabki prognozlarga ko‘ra, 1-yanvardan 10-yanvargacha havo harorati kechalari -3...+2°, kunduz kunlari +3...+8° ni tashkil etadi. Mamlakatning shimoliy hududlarida kechasi -3 dan -8° gacha sovuq bo‘lishi mumkin, kunduzi harorat 0 dan +5° gacha o‘zgarib turadi.
Keyinchalik oy oxirigacha harorat kechasi +3...+8° dan -3...-8° gacha, shimolda -10...-15° gacha; kunduzi +10...+15° dan -2...+3° gacha o‘zgarib turishi kutilmoqda.
Sinoptiklar, shuningdek, kirib kelayotgan yilning birinchi oyi davomida qisqa muddatli -10...-12 daraja sovuqqacha, respublikaning shimolida esa -17...-20 daraja sovuqqacha bo‘lishini prognoz qilmoqda.
Oyning ayrim kunlarida yog‘ingarchilik (yomg‘ir, qor) kutilmoqda.
O‘xshash mavzular
