30-noyabr–1-dekabr kunlari dam olish kunlarida Oʻzbekistonda ob-havo maʼlumoti: sovuq boʻladi, qor yogʻishi mumkin
Oʻzbekistonda dam olish kunlari vaqti-vaqti bilan yomgʻir yogʻadi, baʼzi joylarda qorga aylanishi mumkin. Harorat +3…+8 darajagacha pasayadi.
Yangi yilga eng yaxshi sovg‘ani topdik. BU NIMA?
Bir necha kun kuzatilgan juda iliq va quruq ob-havodan soʻng Oʻzbekistonga Kaspiy dengizi hududlaridan nam va sovuq havo massalari kirib kelishi boshlandi, deya xabar bermoqda Oʻzgidromet agentligi.
Dam olish kunlari respublika boʻyicha vaqti-vaqti bilan yomgʻir yogʻadi, baʼzi joylarda kuchli boʻladi. Ayrim joylarda yomgʻir qorga aylanishi mumkin.
Oʻzbekistonning togʻoldi va togʻli hududlarida 29-noyabr-1-dekabrda sel-suv toshqin hodisalari yuzaga kelishi mumkin. Respublika hududi boʻyicha yomgʻir suvlari toʻplanishi ehtimoli bor, bu esa hududlarni suv bosishiga olib keladi.
Havo harorati asta-sekin pasayadi. Juma kuni kunduzi harorat +10…+15 darajagacha, yakshanba kuni esa +3…+8 darajagacha pasayadi. Respublikaning ayrim joylarida shamol tezligi 13−18 m/s gacha kuchayishi mumkin.
Toshkent shahrida 29-noyabr-1-dekabr kunlari vaqti-vaqti bilan yomgʻir yogʻadi. 1-dekabrda yomgʻir qorga aylanishi ehtimoli bor. Shanba kuni +7…+9 daraja, yakshanba kuni +5…+7 daraja boʻladi. Harorat asosan kechalari +5…+7 daraja boʻladi.
Sharqiy shamol yoʻnalishini oʻzgartirib, gʻarbdan birozdan oʻrtacha tezlikkacha esadi.
