Abbosbek Fayzullayev Osiyoning eng yaxshi yosh futbolchisi boʻldi
Koreya Respublikasining Seul shahrida Osiyo futbol konfederatsiyasi tomonidan qitʼa futbolining eng yaxshilarini taqdirlash marosimi oʻtkazilmoqda.
Unda 2023-yilgi yirik musobaqalar, xususan, Osiyo Kubogi 2023 va futzal boʻyicha Osiyo Kubogi kabi turnirlar davomida oʻz mahoratini namoyish etgan futbolchi, murabbiy va rasmiylar taqdirlanadi.
Yilning eng yaxshi futbolchisi hamda eng yaxshi ayol futbolchi mukofotlaridan tashqari, murabbiylar, aʼzo assotsiatsiyalar va mintaqaviy assotsiatsiyalarining yutuqlari eʼtirof etiladi. Ushbu oqshomda jami 21 nafar gʻoliblar taqdirlanishi belgilangan.
Abbos Fayzullayev AFC Awards 2023 Osiyoning eng yaxshi yosh futbolchisi mukofotini qoʻlga kiritdi. Oʻzbekistonlik futbolchidan tashqari yaponiyalik Kagu Navata (“Kamigaku U-18”) hamda Janubiy koreyalik Bae Jun Ho (“Stok Siti”) ushbu mukofotga nomzodlar qatorida tilga olingan edi.
