Oy sarhisobi: Oktyabrda Oʻzbekistonda va dunyoda nimalar sodir boʻldi?

Oʻzbekiston va jahonda oktyabr oyi yangiliklarga boy boʻldi. Bu oyni oʻquvchilar ayniqsa bir qancha yulduzlarning oila qurgani, yangi virus tarqalgani va isitish mavsumi kechikkani bilan eslab qoladigan boʻldi.

Markaziy Osiyoda harorat tezroq koʻtarilmoqda

Iordaniyaning Ammon News gazetasida “Oʻzbekiston TIV rahbari: Markaziy Osiyo davlatlari iqlim oʻzgarishiga qarshi kurashda hamjihat” sarlavhali maqola eʼlon qilindi.

Nashrda Oʻzbekiston tashqi ishlar vaziri Baxtiyor Saidov BMT Bosh Assambleyasining 79-sessiyasida nutq soʻzlagani maʼlum qilingan.

Oʻzbekiston vaziri aytishicha, iqlim oʻzgarishi oqibatida soʻnggi bir necha oʻn yillikda Markaziy Osiyoda aholi jon boshiga suv taʼminoti darajasi ikki barobarga kamaydi.

Green Card lotereyasi uchun arizalar qabul qilindi

2-oktyabrda DV-2026 dasturiga arizalar qabuli boshlandi. Bu haqda AQSH Davlat departamenti matbuot xizmati maʼlum qildi.

Dastur doirasida 2026-yil uchun turli millat vakillariga 55 mingtagacha vizalar (DV) ajratiladi. Nomzodlar unda ishtirok etish huquqiga ega mamlakat fuqarolari boʻlishi kerak. Oʻzbekistonliklar dasturda ishtirok eta oladi.

Bundan tashqari, nomzodlar 12 yillik boshlangʻich va oʻrta taʼlimni muvaffaqiyatli tamomlagan, oxirgi besh yilda kamida ikki yillik oʻqish yoki ish bilan band boʻlgan boʻlishi talab qilinadi.

Turli payʼlar bizda ham ishlashi kutilmoqda

Oʻzbekistonda Apple Pay, Google Pay va Paypal ishlay boshlaydi. Transport vazirligi esa Hertz, Avis va Sixt kabi avtoijara kompaniyalarini taklif etishi kerak.

PayPal toʻlov tizimi Oʻzbekistonda tegishli boʻlinma ochib, milliy valyuta — soʻmda toʻlovlar va amaliyotlarni amalga oshirmoqchi boʻlsa, u holda amaldagi qonunchilikka koʻra, kompaniya Markaziy bankdan tegishli litsenziya olishi va oʻrnatilgan tartibda nazorat va kuzatuv ostida boʻlishi talab qilinadi.

Lirik chekinish

Oy davomida saytimizda bir qancha qiziqarli va tahliliy maqolalar eʼlon qilindi. Ularni balki koʻrmay qolgandirsiz yoki keyinroq oʻqiyman deb saqlab qoʻygandirsiz. Shu sababli oʻzimiz dolzarb maqolalardan iborat toʻplamni tayyorladik.

• Sizni dunyo mamlakatlariga olib boradigan sayohatlar haqida video bloglar
• Sharf bog‘lash usullari: erkaklar va ayollar uchun 30 xil bog‘lash usullari
• Sevgining 5 tili: o‘z his-tuyg‘ularingizni qanday tushunishni, tinglashni va sherigingizni eshitishni o‘rganish mumkin
• Bankalarni qanday sterilizatsiya qilish kerak: 6 ta oddiy va sinovdan o‘tgan usul
• Interyerni buzadigan 10 ta xato. Dizayner Yekaterina Polyudova hikoya qiladi

Filmlar, seriallar, anons va treylerlar

Walt Disney Animation Studios “Moana-2” multfilmining yangi treylerini taqdim etdi. Ikkinchi qismda hikoya Polineziya orolida istiqomat qilayotgan voyaga yetgan Moana haqida boradi.

Qiz oʻz uyini tark etib, okeanni dahshatli laʼnatdan qutqarish uchun Okeaniya dengizlariga xavfli sayohat qilishga otlanadi.

“Oʻrgimchak odam” filmining toʻrtinchi qismi qachon premyera qilinishi maʼlum boʻldi. “The Hollywood Reporter” nashrining xabar berishicha, kinokartina 2026-yil 26-iyulda jahon prokatiga chiqariladi.

Tom Holland Piter Parker roliga qaytadi. Film Marvel va Sony kinostudiyalari tomonidan nazorat qilinadi. Suratga olish ishlari 2025-yilning yozida boshlanadi. Kinokartina rejissyori Destin Daniyel Kretton (“Shang-Chi va oʻn halqa afsonasi”) boʻladi.

Bonus!

Koreya Respublikasining Seul shahrida Osiyo futbol konfederatsiyasi tomonidan qitʼa futbolining eng yaxshilarini taqdirlash marosimi oʻtkazildi.

Unda 2023-yilgi yirik musobaqalar, xususan, Osiyo Kubogi 2023 va futzal boʻyicha Osiyo Kubogi kabi turnirlar davomida oʻz mahoratini namoyish etgan futbolchi, murabbiy va rasmiylar taqdirlandi.

Abbos Fayzullayev  AFC Awards 2023 Osiyoning eng yaxshi yosh futbolchisi mukofotini qoʻlga kiritdi. Oʻzbekistonlik futbolchidan tashqari yaponiyalik Kagu Navata (“Kamigaku U-18”) hamda Janubiy koreyalik Bae Jun Ho (“Stok Siti”) ushbu mukofotga nomzodlar qatorida tilga olingandi.