Bu hafta O‘zbekistonda +42 darajagacha issiq bo‘lishi kutilmoqda
“O‘zgidromet” xabariga ko‘ra, hafta davomida O‘zbekiston hududi bo‘yicha havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi. Havo harorati asta-sekin ko‘tariladi.
Kino va seriallarni 7 kun bepul tomosha qiling
Dushanba kuni kunduzi respublika hududining katta qismida harorat +30...+35 daraja, janubda va cho‘l hududlarda +38 darajagacha bo‘ladi. Hafta o‘rtasiga kelib, havo +36...+39 darajagacha, janubda +42 darajagacha isiydi.
Mamlakat shimolida havo harorati +38...+40 daraja bo‘lgan eng issiq ob-havo dushanba va seshanba kunlari kutilmoqda, hafta o‘rtasidan esa +32...+37 darajagacha asta-sekin pasayish boshlanadi.
3-4 iyunda shimolda va cho‘l hududlarda, 5 iyunda respublika bo‘yicha ba’zi joylarda shamol 15-20 m/s gacha kuchayishi kutilmoqda, ayrim joylarda chang-to‘zonlar kuzatilishi mumkin.
Toshkentda asosan kam bulutli, quruq ob-havo bo‘lishi kutilmoqda. Harorat dushanba kuni +30...+32 daraja, seshanba kuni +33...+35 daraja, chorshanba va payshanba kunlari +35...+38 daraja bo‘ladi.
O‘xshash mavzular
