Davlat tashkilotlarida 25-mart — Yer soati kunida elektr energiyasi bir soatga o‘chiriladi
25-mart — Yer soati kuni munosabati bilan O‘zbekiston davlat tashkilotlarida elektr energiyasi bir soatga o‘chiriladi. Ekologiya vazirligi fuqarolarni ham aksiyada ishtirok etishga chaqirdi.
O‘xshash mavzular
31.03.2025
O‘zbekiston davlat tashkilotlarida 25-mart — Yer soati kunida elektr energiyasi bir soatga o‘chiriladi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar qildi.
Qayd etilishicha, vazirlik tashabbusi bilan mamlakatda Yer soati kuniga bag‘ishlab maxsus aksiya o‘tkaziladi.
Aksiya doirasida barcha davlat tashkilotlarida elektr energiyasi bir soatga o‘chiriladi. Maqsad — tejamkorlikka rioya qilish va bu orqali sayyoraga g‘amxo‘rlik ko‘rsatish.
“Qadrli yurtdoshlar, barchangizni ushbu aksiyaga befarq bo‘lmaslikka va kun davomida atigi 60 daqiqaga elektr energiyasidan foydalanmaslikka chaqiramiz. Bu bilan siz Yerning tabiiy boyliklarini asrab-avaylashga o‘z hissangizni qo‘shasiz va boshqalarni ham sayyoramizga g‘amxo‘rlik qilishga ruhlantirasiz”, — deyiladi vazirlik xabarida.
Yer soati — bu har yili mart oyining so‘nggida o‘tkaziladigan global ekologik tashabbus bo‘lib, u odamlarni iqlim o‘zgarishi va tabiatni asrash masalalariga e’tibor qaratishga undaydi. Bu kuni butun dunyo bo‘ylab millionlab odamlar, kompaniyalar va tashkilotlar bir soatga yoritish vositalari va elektr energiyasini talab qiladigan asbob-uskunalarni o‘chirishadi.
O‘xshash mavzular
