Toshkent metropolitenida oʻziga xos rekord oʻrnatildi
Toshkent metropoliteni birinchi marta bir kunda 1 million yoʻlovchiga xizmat koʻrsatdi. Millioninchi yoʻlovchiga poytaxt jamoat transportidan bir yil davomida bepul foydalanish imkonini beruvchi transport kartasi sovgʻa qilindi.
Yangi yilga eng yaxshi sovg‘ani topdik. BU NIMA?
Dushanba, 16-dekabr kuni Toshkent metropoliteni ilk bor 1 million yoʻlovchiga xizmat koʻrsatdi. Bu haqda metropoliten axborot xizmati maʼlum qildi.
Millioninchi yoʻlovchi poytaxtda yashovchi Kozim Sohibov boʻldi. Unga “Chinor” bekati boshligʻi Abdurahmon Abdugʻafforov esdalik sovgʻasi va bir yil davomida Toshkent jamoat transportidan (metro va avtobus) bepul foydalanish imkonini beruvchi transport kartasini topshirdi.
“Chinor” bekati hududida istiqomat qiluvchi Kozim Sohibov bu mukofot oʻzi uchun kutilmagan sovgʻa boʻlganini aytdi. U “Tuzel” bekati hududidagi ishiga borish uchun har kuni metrodan foydalanishini maʼlum qildi.
