Diyora Keldiyorova homiladorlik davomida muntazam mashq qilganini ma’lum qildi
Dzyudo bo‘yicha Olimpiada chempioni Diyora Keldiyorova butun homiladorlik davrida sport bilan faol shug‘ullanganini aytdi. U bu haqda Instagram sahifasida video joylashtirib xabar berdi.
O‘xshash mavzular
22.09.2025
Videoda “Homiladorlik davrida sport bilan shug‘ullanish mumkin emas! Rostdanmi?” degan yozuv paydo bo‘ldi. Bunga javoban Diyora homiladorlikning to‘qqiz oyi davomidagi mashg‘ulotlarini ko‘rsatib, faol turmush tarzini bemalol davom ettirish mumkinligini namoyish etdi.
Diyora Keldiyorovaning so‘zlariga ko‘ra, sport homiladorlik davrida uning sog‘lomligini saqlashda katta yordam bergan. U muntazam mashqlar orqali o‘zini tetik his qilganini, kayfiyati ko‘tarinki bo‘lganini va bu davrni ancha yengil o‘tkazganini ta’kidladi. Shuningdek, mashg‘ulotlar unga kelajakdagi musobaqalarga tayyorgarlikni davom ettirish imkonini bergan.
Uning mazkur chiqishi ko‘plab kuzatuvchilarda katta qiziqish uyg‘otdi. Ijtimoiy tarmoqlarda foydalanuvchilar Diyoraning dadilligini olqishlab, unga iliq izohlar yozishdi. Ko‘pchilik sportchining ushbu tajribasi homilador ayollarga ilhom berishi va ular ham sog‘lig‘i uchun mo‘tadil mashqlarni bajarishga undashi mumkinligini ta’kidlashdi.
O‘xshash mavzular
