“Dyuna”ning uchinchi qismini suratga olish ishlari iyun oyida boshlanishi mumkin
“Dyuna: Masih” filmini ishlab chiqarish 2025-yilning iyun oyida boshlanadi. Bu maʼlumotni Deadline nashrining jurnalisti Baz Bambigboy tarqatdi.
Kinolarni bepul ko‘rish imkoniyati!
Warner Bros. studiyasi bu mish-mishlarga hech qanday izoh bermadi. Filmning aniq sanasi hamon nomaʼligicha qolmoqda. “Masih” filmining rejissyorlik lavozimiga Deni Vilnev qaytadi — bu trikvel uning boshchiligida suratga olinadigan franshizaning soʻnggi filmi boʻladi.
“Masih” voqealari ikkinchi qismdan 12 yil oʻtgach sodir boʻlib, Pol Atreydesning hukmronligi haqida hikoya qiladi. Asar Frank Gerbertning shu nomdagi romaniga asoslanadi. Filmda Timoti Shalame, Zendeya, Florens Pyu, Anya Teylor-Joy va boshqalar oʻz rollariga qaytishlari kutilmoqda.
Birinchi “Dyuna” 2021-yilda ekranlarga chiqdi; uning davomi 2024-yilda namoyish etildi. Ikkala film ham jahon kinoteatrlarida jami 1,1 milliard dollar daromad keltirdi. Kuzda HBO telekanalida “Dyuna: Bashorat” prikvel seriali efirga uzatila boshladi. Shou allaqachon ikkinchi mavsumga uzaytirilgan.
O‘xshash mavzular
