Ekopark yaqinidagi koʻchalar taʼmirlashdan soʻng ochiladi
Mirzo Ulugʻbek tumani hokimligi Oʻzbekiston ovozi va Hamid Olimjon koʻchalarida olib borilgan taʼmirlash ishlarining dastlabki bosqichlari yakunlanganini eʼlon qildi.
Shu kunlarda kommunikatsiya tizimi, asfalt qoplama va drenaj tizimlari yangilanmoqda, granit plitkalar yotqizilmoqda.
Ekopark hududiga tutash koʻchalar yangi qiyofaga kiradi. U yerda piyodalar uchun keng maydonlar, velosiped yoʻlaklari va mashinalar uchun parallel turish joylari yaratiladi. Tor piyoda yoʻlaklari oʻrniga keng va qulay hudud tashkil etiladi.
Koʻchada butalar bilan ajratilgan qism paydo boʻlib, notoʻgʻri toʻxtab turish va qarama-qarshi yoʻnalishga chiqishning oldi olinadi. Turar joylarga kirish imkoniyati saqlanadi, ammo mashinalarni notoʻgʻri joyda qoldirish imkoniyati cheklanadi.
Bogʻ oldidagi asfalt hudud koʻkalamzorlashtiriladi, u yerda yangi skameykalar, kichik arxitektura elementlari va taksi yoʻlaklari tashkil etiladi, bu esa yoʻlovchilarga qoʻshimcha qulayliklar yaratadi.
