YouTube videolarini smartfonga qanday yuklab olish mumkin?
Dunyodagi asosiy va eng katta ushbu video xizmati hammaga ma’qul keladi, faqat bir kamchiligi bor – videolarni faqat internetga kirib ko‘rish mumkinligidir. Bu unchalik ham katta muammo emas, ammo, masalan, sayohat paytida tarmoq sekin ishlashi yoki umuman yo‘q bo‘lishi ham mumkin. Videoni smartfon, planshet yoki kompyuteringizga yuklab olish ancha ishonchli bo‘lib, hatto bu kontentni platformadan o‘chirishgan taqdirda ham uni tomosha qilishning kafolatlangan usulidir. Ushbu maqolada YouTube videolarini qurilmangizga yuklab olishning bir necha oddiy usullarini to‘pladik.
Rasman – bunday qilish mumkin emas
Muhim jihat: ushbu saytdagi videolar mualliflik huquqi bilan himoyalangan va xizmatning litsenziyalangan shartnomasida ham videoni yuklab olishni taqiqlaydi. Yagona istisno – faqat «Creative Commons» bepul litsenziyalangan kontent, shuningdek shaxsan o‘zingiz yuklagan videolar bo‘lishi mumkin. Umuman olganda: nima sababdan Youtube videolarini yuklab olsangiz ham, bizning vazifamiz buni o‘z javobgarligingiz ostida qilishingiz haqida ogohlantirishdir. Boshqa tomondan, videoni pullik «Premium» shakliga obuna bo‘lish orqali yuklab olishning qonuniy usullari ham mavjud. Ammo O‘zbekiston uchun, afsuski, u hali mavjud emas. Hatto «Premium» akkaunt bilan ham videofaylning o‘zi emas, balki Youtube ilovasida internetsiz tomosha qilish uchun videoni yuklab olishingiz mumkin bo‘ladi.
Yana bir muammo shundaki, Youtube videoxostingdan videolarni yuklab olishga imkon beradigan xizmatlarga har tomonlama qarshi turadi. Bunday dasturlar brauzer kengaytmalari do‘konlaridan muntazam ravishda yo‘qolib qoladi. Shunga qaramay, bunday usullar mavjud, asosiysi esa maxsus saytlardan foydalanishdir.
Buni qanday amalga oshirish kerak?
Ularning ko‘pchiligi juda oddiy ishlaydi: Youtubeda kerakli videoni topib, URL havolasini to‘liq nusxalaymiz (smartfonda bu «bo‘lishish / havolani nusxalash» yoki ingliz tilida «share / copy link» orqali), so‘ngra saytlardan biriga o‘tib, nusxalangan havolani satrga joylashtiring – va yuklab olish boshlanadi.
Bunday saytlar juda ko‘p. Biz tanlovlarda tez-tez uchraydigan, yaxshi tasvir sifatini beradigan va reklama bilan ko‘p bezovta qilmaydiganlarini to‘pladik. Ularning ishlash printsipi o‘xshash, shuning uchun agar bir xizmat to‘satdan ishlamay qolsa, boshqasini tanlang, ular orasida deyarli farq yo‘q:
«IPhone va iPad» da saytni ochish uchun standart «Safari» brauzeridan foydalaning – boshqa smartfonlarda ishlamasligi mumkin. Tizim videoni «fayllar» ilovasiga yuklaydi, video esa «Yuklashlar» papkasida turadi. Androidda turli xil brauzerlarni sinab ko‘ring: sozlamalar va ma‘lum bir qurilmaga qarab, qaysi biridir ishlashi, qaysidir ishlamasligi mumkin. Videoni yuklab olish uchun dasturni ham o'rnatishingiz mumkin – masalan, «4K Video Downloader».
Xavflar
Butun Youtubeni yuklab olishni boshlashdan oldin, e‘tiborga olishingiz kerak bo‘lgan juda muhim jihat bor. Ushbu xizmatlarning o‘zi sizning hisobingiz va qurilmangiz uchun xavfsizlik nuqtai nazaridan juda shubhali hisoblanadi. Videolar aslida yuklab olingan bo‘lsa-da, saytlar sizni shubhali reklamalar bilan to‘ldirishi, virusni sezdirmasdan kiritishi va shaxsiy ma‘lumotlarni egallashi mumkin. Biz albatta shunday bo‘ladi deb ta‘kidlamaymiz, ammo bunday ehtimollikni istisno qilib ham bo‘lmaydi.
