Moskvada oʻzbek estaradasi yulduzlari ishtirokida konsert boʻlib oʻtadi
2024-yil 19-noyabr kuni Davlat Kreml saroyida Rossiyada Oʻzbekiston madaniyati kunlari doirasida “Oʻzbekiston yulduzlari oqshomi” konserti boʻlib oʻtadi.
Tadbirda Oʻzbekiston Qahramoni, Oʻzbekiston Respublikasi xalq artisti Munojot Yoʻlchiyeva, Oʻzbekiston Respublikasi xalq artistlari Ozodbek Nazarbekov, Farrux Zokirov, Gulsanam Mamazoitova, Oygul Nodirova, xizmat koʻrsatgan artistlar Ozoda Nursaidova va Ilyos Arabov, shuningdek, isteʼdodli ijrochilar Shirin Mamatova va Sabina Mustayevalar ishtirok etadi.
Konsert Oʻzbekiston Respublikasi xalq artisti Kamoliddin Oʻrinboyev boshchiligidagi Oʻzbekiston davlat simfonik orkestri joʻrligida va Mukarrama Turgʻunboyeva nomidagi “Bahor” davlat raqs ansambli ishtirokida boʻlib oʻtadi.
Shuningdek, tadbir doirasida tomoshabinlarga Oʻzbekistonning tarixi, madaniy anʼanalari va kundalik hayoti haqida hikoya qiluvchi fotokoʻrgazma boʻlib oʻtadi. Koʻrgazmada mamlakatdagi muhim voqealar, meʼmoriy obidalar va zamonaviy oʻzgarishlarga bagʻishlangan 80 dan ortiq noyob fotosuratlar namoyish etiladi.
Chiptalar bepul, ushbu havola orqali oldindan band qilish zarur.
