Hafta davomida harorat +22 darajagacha ko‘tariladi
O‘zbekistonda hafta davomida iliq va asosan quruq ob-havo bo‘lishi kutilmoqda. Harorat kechalari +4…+9, kunduz kunlari +17…+22 daraja atrofida bo‘ladi. Tog‘li hududlarda 11−12-mart kunlari vaqti-vaqti bilan yomg‘ir, qor yog‘ishi mumkin.
Kinolarni bepul ko‘rish imkoniyati!
11−14-mart kunlari O‘zbekiston bo‘yicha iliq va asosan quruq ob-havo bo‘lishi kutilmoqda, deya xabar berdi O‘zgidromet agentligi.
Faqat Samarqand, Qashqadaryo, Surxondaryo viloyatlarida dushanbaning ikkinchi yarmida va seshanba kuni Surxondaryo viloyatida ba’zi joylarda biroz yomg‘ir yog‘ishi mumkin. Shamol sharqdan 7−12 m/s tezlikda esadi.
Havo harorati asosan kechalari +4…+9 daraja, kunduz kunlari +17…+20 daraja, ba’zi joylarda +22 darajagacha bo‘ladi.
Respublikaning tog‘li hududlarida 11−12-mart kunlari vaqti-vaqti bilan yog‘ingarchilik (yomg‘ir, qor) bo‘ladi, 13−14-martda yog‘ingarchilik kutilmaydi.
Toshkent shahrida ish haftasining oxirigacha yog‘ingarchilik bo‘lmaydi. Shamol sharqdan birozdan o‘rtacha tezlikkacha esadi. Harorat kechalari +6…+9 daraja, kunduz kunlari +17…+20 darajagacha bo‘ladi.
O‘xshash mavzular
